Hero Suman: సాధారణంగా ఒక సినిమా చేయాలంటే కథ కథనం ఎంతో ముఖ్యమైనవి. మన కథలో సత్తా లేనప్పుడు భారీ బడ్జెట్ సినిమా అయినా భారీ కాస్టింగ్ అయిన సినిమాకు ఎలాంటి ఫలితం ఉండదు. కథలో సత్తా ఉంటేనే చిన్న సినిమాలైనా కూడా ఇండస్ట్రీలో మంచి వసూళ్లను రాబడతాయని ఇప్పటికే ఎన్నో సినిమాలు నిరూపించాయి.
ఇకపోతే ఇండస్ట్రీలో అగ్ర హీరోగా ఇంత పేరు ప్రఖ్యాతలు సంపాదించుకున్న సుమన్ కూడా ఎన్నో అద్భుతమైన సినిమాలను తీశారు. అయితే సుమన్ నటించిన సమరం అనే సినిమా మాత్రం భారీ బడ్జెట్ భారీ కాస్టింగ్ తో నిర్మించారు. అయితే ఈ సినిమా కథలో ఎలాంటి కంటెంట్ లేకపోవడంతో ఈ సినిమా డిజాస్టర్ గా మిగిలింది.
ఇండస్ట్రీలో నటిగా ఎంతో పేరు ప్రఖ్యాతలు సంపాదించుకున్న రోజా తమిళ దర్శకుడు సెల్వమణినీ పెళ్లి చేసుకున్న విషయం తెలిసిందే.పెళ్లయిన అనంతరం రోజా మొదటిసారిగా శ్రీ సాయి రోజా ప్రొడక్షన్లో సుమన్ హీరోగా భారీ బడ్జెట్ చిత్రాన్ని నిర్మించారు. తమిళంలో ఈ సినిమాకు అథిరడి పడై, తెలుగులో ‘సమరం’ అనే టైటిల్స్ ఫిక్స్ చేశారు.
- Hero Suman: నిర్మాతగా నష్టాలను ఎదుర్కొన్న రోజా…
ఈ సినిమాలో సుమన్ హీరో కాగా రఘు, రోజా, పునీత్ ఇస్సార్, కైకాల, కోట, బాబు మోహన్, సిల్క్ స్మిత తదితరులు నటీనటులు.. మేస్ట్రో ఇళయరాజా సంగీతం.ఎస్పీ బాలసుబ్రమణ్యం జానకి వంటి సింగర్లు కూడా ఇందులో పాటలు పాడారు. ఇలా భారీ తారాగణం ఉన్నప్పటికీ ఈ సినిమా అనుకున్న బడ్జెట్ కన్నా ఎక్కువ అయింది. ఇలా ఎన్నో అంచనాల నడుమ ఈ సినిమా విడుదల చేయడంతో ఒక్కసారిగా డిజాస్టర్ టాక్ సొంతం చేసుకుని నిర్మాతగా రోజాకు భారీ నష్టాలను మిగిల్చింది. ఈ సినిమా దెబ్బతో రోజా నిర్మాణ రంగం వైపు అడుగులు వేయలేదు. భారీ తారాగణం అయినప్పటికీ కథలో కంటెంట్ లేకపోవడంతో సుమన్ లాంటి హీరోకి కూడా డిజాస్టర్ తప్పలేదని ఈ సినిమా నిరూపించింది.
