Pawan Kalyan: సినీ నటుడు జనసేన అధినేత పవన్ కళ్యాణ్ కు ఎలాంటి అభిమానం ఉందో మనకు తెలిసిందే. నటుడిగా ఎంతో మంది అభిమానులను సొంతం చేసుకున్న పవన్ కళ్యాణ్ ప్రస్తుతం మంత్రిగా ఉప ముఖ్యమంత్రిగా కూడా బాధ్యతలు స్వీకరించారు. ఇలాంటి తరుణంలో ఈయనకు సెక్యూరిటీ విషయంలో ప్రభుత్వం ఎంతో భద్రతలను ఏర్పాటు చేసింది.
పవన్ కళ్యాణ్ సినీ నటుడుగా ఉన్నప్పుడే ఈయన బయటకు వస్తే హై సెక్యూరిటీతో బయటకు వస్తారు. ఇక ఈయన ఇప్పటివరకు ప్రవేట్ సెక్యూరిటీతో బయట తిరిగేవారు. ప్రచార కార్యక్రమాలను కూడా నిర్వహించారు. ఉపముఖ్యమంత్రిగా అలాగే మంత్రిగా కూడా పవన్ కళ్యాణ్ పంచాయతీరాజ్, గ్రామీణాభివృద్ధి, అటవీ, సైన్స్ & టెక్నాలజీ వంటి కీలక శాఖల బాధ్యతలను తీసుకున్నారు.
ఇలాంటి తరుణంలో ఈయనకు మరింత సెక్యూరిటీని ప్రభుత్వం ఏర్పాటు చేసినట్టు తెలుస్తుంది. గతంలో పవన్ కళ్యాణ్ తనకు థ్రెట్ ఉందని, కొంతమంది అనుమానాస్పదంగా తన ఇంటి చుట్టూ తిరుగుతున్నారని ఆరోపణలు చేశారు ఈ విషయాలన్నింటిని దృష్టిలో పెట్టుకొని తనకు హై సెక్యూరిటీ కల్పించాలని ఆంధ్ర ప్రదేశ్ ప్రభుత్వం కేంద్రానికి లేఖ రాసింది.
భారీ సెక్యూరిటీ..
ప్రస్తుతం పవన్ కళ్యాణ్ కు ఆయన కాన్వాయ్ లో ఒక ఎస్పీజీ కమాండో ఇంకా రెండు ఎన్.ఎస్.జీ కామాండోలతో కూడిన 4 కార్లు ఉంటాయని తెలుస్తుంది.ఇంకా అలాగే రెండు సీఆర్పీఎఫ్ సిబ్బంది సెక్యూరిటీతో రెండు వాహనాలు, ఒక జామర్ వాహనం కూడా ఉంటాయని తెలుస్తుంది. ఈయన ఒక నటుడిగా, ఉపముఖ్యమంత్రిగా మంత్రిగా బాధ్యతలు తీసుకోవడంతో ఈయనకు భారీ స్థాయిలో సెక్యూరిటీ కల్పించాలని తెలుస్తుంది.
