Hyper Aadi: హైపర్ ఆది జబర్దస్త్ కార్యక్రమం ద్వారా ఎంతో మంచి సక్సెస్ అందుకున్నారు. ప్రస్తుతం ఈ కార్యక్రమానికి దూరమైన ఇతర బుల్లితెర కార్యక్రమాలలో సందడి చేస్తూ ఎంతో బిజీగా ఉన్న హైపర్ ఆది మరోవైపు సినిమాలలో కూడా నటిస్తూ ఉన్నారు. ఇకపోతే ఇటీవల కాలంలో పవన్ కళ్యాణ్ కు పూర్తి స్థాయిలో మద్దతు తెలుపుతున్న ఈయన త్వరలోనే ఓ రాజకీయ పదవి అందుకోబోతున్నారంటూ వార్తలు వచ్చాయి.
ఈ క్రమంలోనే ఒక ఇంటర్వ్యూలో పాల్గొన్న హైపర్ ఆది ఈ విషయం గురించి మాట్లాడుతూ.. తనకు ఎలాంటి రాజకీయ పదవులు అవసరం లేదని ఎలాంటి పదవులను ఆశించి నేను పవన్ కళ్యాణ్ కు మద్దతు తెలుపలేదని వెల్లడించారు. ఇక ఈ ఇంటర్వ్యూలో భాగంగా రోజా గురించి కూడా ప్రశ్నలు ఎదురయ్యాయి. 2024 ఎన్నికలలో భాగంగా రోజా గురించి పలువురు జబర్దస్త్ కామెడీగా సంచలన ఆరోపణలు చేశారు.
ఇలా రోజా గురించి ఎంతోమంది ఎన్నో విమర్శలు చేశారు. అయితే ఎన్నికల ఫలితాలు తర్వాత కూటమి అధికారంలోకి వచ్చింది. ఈ క్రమంలోనే రోజా గురించి హైపర్ ఆదికి ప్రశ్నలు ఎదురయ్యాయి. రోజా గారికి జగన్ అంటే ఇష్టం నాకు పవన్ కళ్యాణ్ అంటే ఇష్టం ఇలా ఎవరి ఇష్టాలు వారికి ఉంటాయి. అయితే జబర్దస్త్ జడ్జిగా రోజా గారు అంటే నాకు ఎప్పటికీ గౌరవమే అని తెలిపారు.
జడ్జిగా ఎప్పుడు గౌరవమే..
నేడు నేను ఈ స్థాయిలో ఇంత పాపులర్ అయ్యాను అంటే అందుకు కారణం రోజా గారేనని తెలిపారు. నాతో పాటు చాలామంది ఎదుగుదలకు ఆమె కారణమయ్యారు. ఇలా ఒక జడ్జిగా తన పట్ల నాకు ఎప్పటికీ గౌరవం ఉంటుంది అంటూ రోజా గురించి హైపర్ ఆది చేసిన ఈ కామెంట్స్ వైరల్ అవుతున్నాయి. అయితే రోజాపై షకలక శంకర్ కిరాక్ ఆర్పి వంటి వారు సంచలన వ్యాఖ్యలు చేసినప్పటికీ ఆది మాత్రం రోజా గురించి ఎంతో ఉన్నతంగా మాట్లాడటంతో ఈ కామెంట్స్ కాస్త వైరల్ అవుతున్నాయి.
