Devi Nagavalli: దేవి నాగవల్లి గత రెండు రోజుల నుంచి ఈ పేరు సోషల్ మీడియాలో మార్మోగిపోతోంది. ఇలా పెద్ద ఎత్తున ఈమె పేరు వినిపించడానికి గల కారణం ఈమెకు హీరో విశ్వక్ సేన్ మధ్య తలెత్తిన వివాదమే కారణమని చెప్పాలి. విశ్వక్ సేన్ ఫ్రాంక్ వీడియో కారణంగా డిబేట్ నిర్వహించిన దేవి నాగవల్లి ఈ డిబేట్ వల్ల హీరోకి తనకు మధ్య మనస్పర్థలు వచ్చి వీరి మధ్య పెద్ద వివాదం తలెత్తింది.
ఈ క్రమంలోనే ఈ విషయం పై సోషల్ మీడియాలో రెండు వర్గాలుగా విడిపోయి పెద్ద ఎత్తున గొడవ పడుతున్నారు. ఈ క్రమంలోనే కొందరు దేవి నాగవల్లికి మద్దతు పలకగా మరికొందరు హీరో విశ్వక్సేన్ కు మద్దతు తెలుపుతున్నారు. ఇక మరికొందరైతే దేవి నాగవల్లి ధైర్యం, ఏ మాత్రం బెరుకు తనం లేకుండా ధైర్యంగా మాట్లాడిన మాటతీరుకు ఎంతో మంది ఆమెపై ప్రశంసలు కురిపించారు.
అయితే దేవి నాగవల్లి ఇలా ఎలా ఉండగలుగుతుంది అనే విషయం గురించి ప్రతి ఒక్కరు ఆలోచిస్తున్న నేపథ్యంలో ఈమె పాత వీడియోలు సోషల్ మీడియాలో వైరల్ చేస్తున్నారు. ఈమె బిగ్ బాస్ సీజన్ 4 కి వెళ్లక ముందు తనకు సంబంధించిన ఒక వీడియోని విడుదల చేశారు. ఈ వీడియోలో భాగంగా తాను ఈ రంగంలోకి ఎలా వచ్చింది ఇలా ధైర్యంగా ఎలా ఉండగలుగుతుంది అనే విషయాల గురించి వెల్లడించారు.
తప్పు చేశాను…
ఇక పోతే తాను జర్నలిస్ట్ గా ఉన్న సమయంలో ఒక న్యూస్ చదువుతూ ఆ న్యూస్ కేవలం ఒక వైపు నుంచి ఆలోచించి తప్పుడు రిపోర్ట్ ఇచ్చానని, అలా ఇవ్వడం వల్ల రెండు రోజుల పాటు నిద్ర, ఆహారం లేకుండా ఏడుస్తూ కూర్చున్నానని ఈ వీడియోలో ఈమె వెల్లడించారు. ఆ సంఘటన జరిగినప్పటి నుంచి తాను ఎంతో కఠినంగా మారిపోయారని, ఈ ఇంటర్వ్యూ సందర్భంగా దేవి నాగవల్లి తెలిపారు. ప్రస్తుతం ఈ వీడియో సోషల్ మీడియాలో వైరల్ గా మారింది.
