సంగీత దర్శకుడు ఏఆర్ రెహమాన్ గురించి ప్రత్యేకంగా చెప్పాల్సిన అవసరం లేదు. అతడు ఎన్నో అవార్డులను స్వీకరించారు. ఆస్కార్ అవార్డును సైతం తీసుకున్న విషయం తెలిసిందే. అయితే అతడు ఎక్కువగా రజనీకాంత్ సినిమాలకు సంగీతం వహించాడు. ముత్తు, శివాజీ, రోబో, రోబో 2.0 ఇలా కొన్ని సినిమాలకు మ్యూజిక్ అందించాడు రెహ్మాన్.
అయితే ఓ ఇంటర్వ్యూలో అతడు రజనీకాంత్ గురించి సంచలన వ్యాఖ్యలు చేశాడు. రజనీకాంత్ సినిమాల్లో పని చేసేసమయంలో నరకంగా అనిపించేదని ఘాటు వ్యాఖ్యలు చేశాడు. రజనీకాంత్ తో కలిసి పనిచేసిన కొన్ని విషయాలను ఇంటర్వ్యూలో అభిమానులతో పంచుకున్నాడు రెహమాన్. రజనీకాంత్ సినిమాలకు మ్యూజిక్ అందించే సందర్భంలో వేరే సినిమాలకు కూడా ఒప్పుకునే వాడిని అని.. పండగల సందర్భంలోనే సినిమాలను విడుదల చేయాలని వారంతా అనుకోవడంతో ఒత్తిడికి లోనయ్యే వాడిని అంటూ చెప్పాడు.
అందుకే పండగలంటే.. అప్పట్లో ఇబ్బంది పడేవాడిని అంటూ చెప్పుకొచ్చాడు. మంచి అవుట్ పుట్ కోసం సమయం ఎక్కువగా తీసుకునే వాడిని అని.. మార్చిలో మొదలుపెడితే.. సాంగ్స్, బీజీఎం, కంపోజింగ్ కు ఎక్కువ సమయం పట్టేదని చెప్పాడు. ఇలాదీపావళికి ఫినష్ చేసేవాడని అని చెప్పాడు.
అతడి సినిమాలు ఎక్కువగా దీపావళి సందర్భంగానే వస్తాయి.. ఆ సమయంలోనే తాను ఒప్పుకున్న మరో సినిమాలు కూడా విడుదల చేసేందుకు ప్లాన్ చేయడంతో ఇటు.. అటు మ్యూజిక్ కంపోజింగ్ లో ఇబ్బంది పడేవాడిని అంటూ చెప్పాడు. ప్రస్తుతం అలాంటి పరిస్థితి లేదంటూ స్పష్టం చేశాడు.
