Software Jobs: గత మూడు సంవత్సరాల క్రితం కరోనా వైరస్ కారణంగా ప్రతి ఒక్కరిలోనూ ఎన్నో మార్పులు చోటు చేసుకున్నాయి. ముఖ్యంగా యువతకు కరోనా వల్ల ఎన్నో విభిన్న దారులు ఏర్పడ్డాయని చెప్పాలి. ముఖ్యంగా సాఫ్ట్వేర్ ఉద్యోగాలు చేసే యువత మాత్రం ప్రస్తుతం పెద్ద ఎత్తున వీరి ఉద్యోగాలకు రాజీనామాలు చేస్తున్నట్లు తెలుస్తోంది.
వీరికి నచ్చిన విధంగా ఉద్యోగాలు చేయడం కోసం లేదా సరికొత్త రంగం వైపు అడుగులు వేయడం కోసం పెద్దఎత్తున ఉద్యోగస్తులు రాజీనామాలు చేస్తున్నట్లు పలు నివేదికలు వెల్లడించాయి. క్లౌడ్ ఇన్ఫ్రాస్ట్రక్చర్ ప్రొవైడర్ డిజిటల్ ఓషన్ ప్రకారం.. ఏకంగా 42 శాతం మంది వారి ఉద్యోగాలకు రాజీనామా చేసినట్లు ప్రకటించింది.
ప్రస్తుత సర్వే ప్రకారం ఒక సంవత్సరం పాటు ఉద్యోగంలో ఎక్స్పీరియన్స్ కొనసాగించిన అభ్యర్థులు వారు చేస్తున్న కంపెనీకి రాజీనామా చేసి మరికొన్ని కంపెనీలలో ఉద్యోగానికి ప్రయత్నాలు చేస్తున్నట్లు తెలుస్తోంది.ఈ విధంగా డెవలపర్స్ పెద్ద ఎత్తున ఉద్యోగాలు మారడానికి గల కారణం సరైన వేతనాలు లేకపోవడం లేదంటే తమకు అనుగుణంగా ఉండే ప్రాంతాలలో పని చేయడానికి ఆసక్తి చూపడంతో ఇలా పెద్ద ఎత్తున ఒక కంపెనీ నుంచి మరో కంపెనీకి మారుతున్నారు.
సొంత కంపెనీ ప్రారంభిస్తున్న ఉద్యోగస్తులు…
సంవత్సరం కంటే ఎక్కువ ఎక్స్పీరియన్స్ ఉన్న 27 శాతం మంది అభ్యర్థులు కొత్త ఉద్యోగాలకు ఆసక్తి చూపుతున్నట్లు పలు నివేదికలు వెల్లడిస్తున్నాయి. ది మోషన్ ప్రతినిధుల అంచనాప్రకారం ప్రస్తుతం చేస్తున్న ఉద్యోగానికి రాజీనామా చేసిన ఎనిమిది శాతం మందిలో ఒకరు సొంతంగా కంపెనీ ప్రారంభించి పలువురుకు ఉద్యోగాలు కల్పించే యోచనలో కూడా ఉన్నారు. బ్లాక్చెయిన్, వెబ్ 3 టెక్నాలజీల చుట్టూ సంచలనం ఉన్నప్పటికీ, సాఫ్ట్వేర్ డెవలపర్లలో 67 శాతం మంది ఇంకా బ్లాక్చెయిన్/ వెబ్ 3ని ఉపయోగించడం లేదని తెలిపారు.
