Devara: యంగ్ టైగర్ ఎన్టీఆర్ ప్రస్తుతం వరుస సినిమాలలో నటిస్తూ కెరియర్ పరంగా బిజీ అయ్యారు. నటుడుగా ఇండస్ట్రీలో కొనసాగుతున్న ఈయన వరుస పాన్ ఇండియా సినిమాలకు కమిట్ అవుతున్నారు. ఇక త్వరలోనే కొరటాల శివ దర్శకత్వంలో ప్రేక్షకుల ముందుకు దేవర సినిమా ద్వారా రాబోతున్నారు.
ఎన్టీఆర్ నటించిన RRR సినిమా తర్వాత ప్రేక్షకుల ముందుకు దేవర సినిమా రాబోతున్న నేపథ్యంలో ఈ సినిమాపై భారీ స్థాయిలో అంచనాలు ఉన్నాయి. ఇక ఈ సినిమా కోసం అభిమానులు కూడా ఎంతో ఆత్రుతగా ఎదురుచూస్తున్నారు. నిజానికి ఈ సినిమా ఏప్రిల్ 5వ తేదీనే విడుదల కావాల్సి ఉండగా షూటింగ్ ఆలస్యం కావడంతో అక్టోబర్ 10వ తేదీకి వాయిదా పడింది.
తాజాగా ఈ సినిమా షూటింగ్ పనులన్నీ కూడా పూర్తి అయ్యాయని తెలుస్తుంది. ఈ క్రమంలోనే ఈ సినిమాని అనుకున్న తేదీ కంటే ముందుగానే విడుదల చేయబోతున్నట్లు మేకర్స్ అధికారికంగా వెల్లడించారు. ఈ సినిమా సెప్టెంబర్ 27వ తేదీ ప్రేక్షకుల ముందుకు రాబోతుందని తెలియజేశారు. ఇక ఇప్పటికే ఈ సినిమా నుంచి విడుదల చేసిన పోస్టర్స్ అలాగే పాటలు కూడా సోషల్ మీడియాలో సంచలనంగా మారాయి.
50 కోట్ల లాభం..
ఇక ఈ సినిమాకు పోటీగా ఏ సినిమాలు లేవు సోలోగా ఈ సినిమా ప్రేక్షకుల ముందుకు రాబోతున్న నేపథ్యంలో ఏకంగా 50 కోట్ల రూపాయల వరకు లాభాలు ఉన్నాయని సమాచారం. ఇలా ఫ్రీ పోన్ కారణంగా 50 కోట్ల రూపాయల లాభం అందుకోవడమే కాకుండా ఈ సినిమాకు పోటీగా ఏ సినిమాలు లేకపోవడంతో కలెక్షన్స్ కూడా భారీ స్థాయిలోనే వచ్చే అవకాశాలు ఉన్నాయని తెలుస్తుంది.
