Pooja Hegde: పూజా హెగ్డే దక్షిణాది సినీ ఇండస్ట్రీలో అగ్ర తారగా కొనసాగుతూ ఎంతో మంచి గుర్తింపు సంపాదించుకున్న పూజా హెగ్డే ఈ మధ్య కాలంలో వరుస ప్లాప్ సినిమాలతో సతమతమవుతున్నారు. ఇకపోతే ఈమెకు ఇలా వరుస ఫ్లాప్ సినిమాలు వచ్చినప్పటికీ ఈమె కెరియర్ పై ఏ విధమైనటువంటి ప్రభావం చూపించలేదని చెప్పవచ్చు. ఇలా వరుస ఫ్లాప్ చిత్రాలు ఎదురైనా ఈమెకు ఇండస్ట్రీలో వరుస అవకాశాలు వస్తున్నాయి.
ఈ క్రమంలోనే ఈమె పవన్ కళ్యాణ్ సరసన హరీష్ శంకర్ దర్శకత్వంలో తెరకెక్కుతున్న భవదీయుడు భగత్ సింగ్ సినిమాలో నటిస్తున్నట్లు డైరెక్టర్ హరీష్ శంకర్ హింట్ ఇచ్చారు. అయితే ఈ సినిమాకి సంబంధించిన ఫస్ట్ లుక్ పోస్టర్ విడుదల చేయడంతో ఈ సినిమాపై భారీ అంచనాలు పెరిగాయి.అయితే ఈ సినిమా షూటింగ్ ఇప్పుడే మొదలయ్యేలా కనిపించడం లేదు.
పవన్ కళ్యాణ్ కూడా ఈ సినిమా పై పెద్దగా ఆసక్తి చూపించడం లేదని తెలుస్తోంది. ఇకపోతే తాజాగా ఈ సినిమా నుంచి పూజా హెగ్డే తప్పుకున్నట్లు తెలుస్తోంది. పూజా హెగ్డే సినిమా నుంచి తప్పుకోవడానికి కారణం తెలిస్తే ప్రతి ఒక్కరు షాక్ అవ్వాల్సిందే. ఎప్పుడు ప్రారంభం అవుతుందో తెలియని ప్రాజెక్టు కోసం పూజ హెగ్డే తన డేట్స్ బ్లాక్ చేయడం కుదరడం లేదు.
ఆలస్యం కానున్న భవదీయుడు భగత్ సింగ్..
ఈ క్రమంలోనే ఈమె ఈ సినిమా నుంచి తప్పుకున్నట్లు తెలుస్తోంది. పవన్ కళ్యాణ్ హరిహర వీరమల్లు సినిమాతో బిజీగా ఉన్నారు. ఈ సినిమా అనంతరం పవన్ కళ్యాణ్ తమిళ సినిమా ‘వినోదయా సితం’ రీమేక్ చేయనున్నారు. అందువలన ఈయన చేయబోతున్న భవదీయుడు భగత్ సింగ్ సెట్స్ పైకి రావడానికి మరింత ఆలస్యం కానుంది. దీంతో ఎప్పుడు ప్రారంభమవుతుందో తెలియని సినిమా కోసం పూజ హెగ్డే తన సమయం వృధా కాకుండా ఈ సినిమా నుంచి తప్పుకున్నట్లు తెలుస్తోంది. ప్రస్తుతం త్రివిక్రమ్ మహేష్ సినిమాలోనూ,అలాగే పూరి జగన్నాథ్, విజయ్ దేవరకొండ సినిమాలతో బిజీకానున్నారు.
