Jabardasth Hari : ఒకరికి బదులుగా పేరు ఒక్కటవ్వడం వల్ల కొన్ని సందర్భాల్లో బలవ్వుతూంటారు. ముఖ్యంగా సినిమా టీవీ రంగంలో ఉన్న సెలబ్రిటీలు తాము చేయని తప్పుకు కొన్ని సార్లు డీఫేమ్ అవుతుంటారు. అలా ఇప్పుడు ఒక బుల్లితెర సెలబ్రిటీ కూడా ఇబ్బందులను ఎదుర్కొంటున్నాడు. జబర్దస్త్ లో లేడీ గేటప్ ద్వారా బాగా ఫేమస్ అయినా హరి తాజాగా ఎర్ర చందనం స్మగ్లింగ్ కేసులో ఉన్నాడంటూ కొన్ని యూట్యూబ్ ఛానెల్స్ వేయడంతో ఇబ్బందులను ఎదుర్కోంటున్నాడు. తాజాగా ఒక యూట్యూబ్ ఛానెల్ ను ఆశ్రయించి తాను ఎటువంటి నేరాలకు పాల్పడలేదని వివరణ ఇచ్చాడు.
ఆ హరి నేను కాదు…
జబర్దస్త్ లో లేడీ గెటప్ వేస్తూ బాగా గుర్తింపు తెచ్చుకున్న కమెడియన్ హరి బాబు. హరిత హారికగా బాగా ఫేమ్ సంపాదించిన ఇతను ఈ మధ్య కాలంలో తన పేరుతో వేరెవరో చేసిన క్రైమ్ కి బలయ్యాడు. వైఎస్ హరి అనే వ్యక్తి ఎర్ర చందనం స్మగ్లింగ్ లో పోలీసులకు దొరకగా ఆ హరి ఈ జబర్దస్త్ హరినే ఏంటి అంటూ చాలా మీడియా ఛానెల్స్ హరి ఫోటో పెట్టి కథనాలు రాయడం వల్ల తనకు తన మిత్రులు ఈవెంట్ మేనేజర్స్ అలాగే కుటుంబ సభ్యుల నుండి ఫోన్ కాల్స్ వస్తున్నాయని, చాలా ఇబ్బందులకు గురవుతున్నట్లు తెలిపారు హరి.
ఆ హరి మొదట్లో జబర్దస్త్ లో శకలక శంకర్ టీంలో వెనుక ఉండే కమెడియన్స్ లో ఒకడిగా చేసాడు. అయితే ఆ హరి మళ్ళీ జబర్దస్త్ లో చేయలేదు. అతని ఫోటోని పెట్టి నేను లేడీ గెటప్ లో ఉన్న ఫోటో పెట్టి చాలా మీడియా ఛానెల్స్ వార్తలను ప్రసారం చేసాయి. నిజాలను క్లియర్ గా తెలుసుకోకుండా ఇలా వార్తలను ప్రచూరించే వారి మీద కేసు వేయాలనుకుంటున్నట్లు హరి తెలిపారు. తనకు ఈ ఇష్యూ వల్ల ఇప్పటికే 1500 ఫోన్ కాల్స్ వచ్చాయని ఇప్పుడు కూడా తన ఫోన్ కాకుండా వేరే వాళ్ళ ఫోన్ తాను వాడుతున్నట్లు తన ఇబ్బందుల గురించి వివరిచాడు.
