K Raghavendra Rao: తమ్మారెడ్డి భరద్వాజ్ నటుడిగా నిర్మాతగా ఇండస్ట్రీలో కొనసాగిన ఈయన తరచూ ఏదో ఒక వివాదాస్పద వ్యాఖ్యల ద్వారా వార్తల్లో నిలుస్తూ ఉంటారు. ఈయన ఏ విషయం గురించి మాట్లాడుతున్నారనే దాని గురించి ఏమాత్రం ఆలోచించకుండా తనకు తోచినది మాట్లాడుతూ వివాదాలలో చిక్కుకుంటూ ఉంటారు.ఎక్కువగా మెగా కుటుంబాన్ని టార్గెట్ చేస్తూ మాట్లాడే ఈయన తాజాగా మెగా హీరో నందమూరి హీరో నటించిన RRR సినిమా గురించి సంచలన వ్యాఖ్యలు చేశారు.
ఈ సినిమా ఆస్కార్ కోసం ఖర్చుపెట్టిన 80 కోట్ల రూపాయలతో తాను 8 సినిమాలు చేసి మీ మోహన కొడతాను, ఈ సినిమా ప్రమోషన్ల కోసం అమెరికా వెళ్లడానికి ఫ్లైట్ టికెట్ల కోసం కొన్ని కోట్లు ఖర్చు చేస్తున్నారంటూ మండిపడ్డారు.ఈయన చేసిన వ్యాఖ్యలు సోషల్ మీడియాలో వైరల్ గా మారడంతో ఎంతోమంది ఈయన వ్యాఖ్యలను తప్పుపడుతూ తీవ్రస్థాయిలో విమర్శలు కురిపిస్తున్నారు.
ఈ సందర్భంగా తమ్మారెడ్డి చేసిన వ్యాఖ్యలపై ఇదివరకే నాగబాబు స్పందిస్తూ ఘాటుగా సమాధానం చెప్పిన విషయం మనకు తెలిసిందే. ఈ క్రమంలోనే దర్శకేంద్రుడు కే రాఘవేంద్రరావు కూడా సోషల్ మీడియా వేదిక స్పందిస్తూ తనదైన శైలిలో తమ్మారెడ్డికి కౌంటర్ ఇచ్చారు. ప్రస్తుతం రాఘవేంద్రరావు చేసినటువంటి ఈ కామెంట్స్ సోషల్ మీడియాలో వైరల్ అవుతున్నాయి.
K Raghavendra Rao: జేమ్స్ కామెరూన్ స్పిల్ బర్గ్ డబ్బు తీసుకొని పొగిడారా….
ఈ సందర్భంగా రాఘవేంద్రరావు స్పందిస్తూ… మిత్రుడు భరద్వాజ్ కి అంటూ మొదలుపెట్టిన రాఘవేంద్రరావు తెలుగు సినిమాకి తెలుగు సాహిత్యానికి తెలుగు దర్శకుడికి మొదటిసారి వస్తున్న పేరుని చూసి గర్వపడాలి కానీ 80 కోట్లు ఖర్చు చేశారు అనడానికి నీ దగ్గర అకౌంట్ ఇన్ఫర్మేషన్ ఉందా? హాలీవుడ్ దర్శకులు జేమ్స్ కామెరూన్ స్పిల్ బర్గ్ వంటి వారు కూడా డబ్బులు తీసుకొని ఈ చిత్రాన్ని గొప్పగా పొగుడుతున్నారనా నీ ఉద్దేశం అంటూ ఈ సందర్భంగా ఈయన తమ్మారెడ్డి వ్యాఖ్యలపై మండిపడ్డారు. దీంతో ఈయన చేసినటువంటి ట్వీట్ వైరల్ గా మారడంతో ఎంతోమంది రాఘవేంద్ర రావు గారికి మద్దతు తెలుపుతున్నారు.
— Raghavendra Rao K (@Ragavendraraoba) March 9, 2023
