Hero Yash: కన్నడ స్టార్ హీరో యశ్ నటించిన కేజిఎఫ్ 2 సినిమా ఈ నెల 14వ తేదీ విడుదల కావడంతో పెద్ద ఎత్తున సినిమా ప్రమోషన్ కార్యక్రమాలు నిర్వహిస్తున్నారు. వైజాగ్ లో మీడియాతో మాట్లాడుతూ హీరో మీడియాకు క్షమాపణలు చెప్పారు. అయితే యశ్ మీడియాకు క్షమాపణలు ఎందుకు చెప్పారనే విషయానికి వస్తే…
ఈ మీడియా సమావేశంలో భాగంగా హీరో యశ్ రావలసిన సమయం కన్నా గంటన్నర ఆలస్యంగా రావడంతో ఒక జర్నలిస్టు మీకోసం గంటన్నర నుంచి ఎదురుచూస్తున్నాము అంటూ ఆయనని ప్రశ్నించగా వెంటనే యశ్ మీడియాకు క్షమాపణలు చెప్పారు. ప్రస్తుతం ఈ విషయం సోషల్ మీడియాలో వైరల్ అయింది.
అయితే గతంలో అల్లు అర్జున్ విషయంలో కూడా కన్నడ మీడియా ఇలాగే వ్యవహరించింది. పుష్ప సినిమా ప్రమోషన్ లో భాగంగా ప్రెస్ మీట్ 11:30 అయితే అల్లు అర్జున్ 1:30కి వెళ్లడంతో కన్నడ జర్నలిస్ట్ ఈ విషయం గురించి అల్లుఅర్జున్ ప్రశ్నించారు. అయితే ఆలస్యంగా వచ్చినందుకు అల్లుఅర్జున్ గతంలో కన్నడ మీడియాకు బహిరంగంగా క్షమాపణలు చెప్పారు.
రివెంజ్ తీర్చుకున్న తెలుగు మీడియా…
ప్రస్తుతం కన్నడ హీరో యశ్ కూడా క్షమాపణలు చెప్పడంతో తెలుగు మీడియా, కన్నడ మీడియాపై ఈ విధంగా రివేంజ్ తీర్చుకున్నారని చెప్పాలి. సాధారణంగా హీరోలు ఇలాంటి మీటింగులకు హాజరయ్యే సమయంలో పలు కారణాల వల్ల కొన్నిసార్లు ఇలాంటి ఆలస్యం జరగడం సర్వసాధారణం. ‘కె.జి.ఎఫ్2’ పాన్ ఇండియా స్థాయిలో ఏప్రిల్ 14వ తేదీ విడుదలవుతున్న నేపథ్యంలో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు.
