తెలుగు చిత్ర పరిశ్రమలో ఇదివరకు ఎప్పుడూ లేని విధంగా మూవీ ఆర్టిస్ట్ అసోసియేషన్ ఎన్నికల గురించి ఇప్పుడు తీవ్ర స్థాయిలో చర్చలు గొడవలు జరుగుతున్నాయి. మా అధ్యక్ష పదవి కోసం పోటీ చేస్తున్నటువంటి మంచు విష్ణు,ప్రకాష్ రాజ్ ప్యానెల్ సభ్యుల మధ్య తీవ్ర స్థాయిలో పోటీ ఏర్పడి ఒకరిపై మరొకరు తీవ్ర స్థాయిలో విమర్శలు చేసుకుంటున్నారు.
ఈ క్రమంలోనే ఎన్నికల తేదీ దగ్గర పడుతుండటంతో మా సభ్యుల మధ్య టెన్షన్ మొదలైందని చెప్పవచ్చు. ఇదిలా ఉండగా ప్రకాష్ రాజ్ ప్యానెల్ కి మెగా కుటుంబం మద్దతు ఉందని నాగబాబు తెలియజేస్తూ మంచు ప్యానెల్ పై విమర్శలు చేశారు. ఈ క్రమంలోనే పలువురు సీనియర్ నటీనటులు మంచు విష్ణు ప్యానెల్ కి మద్దతు తెలుపుతున్నారు.
ఈ క్రమంలోనే సీనియర్ నటుడు కోట శ్రీనివాసరావు మాట్లాడుతూ తన పూర్తి మద్దతు మంచు విష్ణుకి ఉందని, ఈ ఎన్నికలలో పోటీ చేసి అధ్యక్ష పదవిలో కొనసాగడానికి మంచు విష్ణు పూర్తిగా అర్హుడని ఈ సందర్భంగా కోట శ్రీనివాసరావు తెలిపారు.ఇకపోతే ప్రకాష్ రాజ్ గురించి కోట శ్రీనివాసరావు మాట్లాడుతూ సంచలన వ్యాఖ్యలు చేశారు.
ప్రకాష్ రాజ్ తో కలిసి తాను 15 సినిమాలకు పైగా నటించానని అయితే ఏ సినిమా షూటింగ్ సమయంలో కూడా ప్రకాష్ రాజ్ సమయానికి సెట్ కి వచ్చే వాడు కాదని, ఇలాంటి క్రమశిక్షణ లేని వారు మా అధ్యక్ష పదవికి అనర్హులు అంటూ ప్రకాష్ రాజ్ గురించి కోట శ్రీనివాస్ రావు సంచలన వ్యాఖ్యలు చేశారు.
