Krishna: తెలుగు చిత్ర పరిశ్రమలో చెరగని ముద్ర వేసుకున్నటువంటి హీరోలలో సూపర్ స్టార్ కృష్ణ ఒకరు. ఈయన తెలుగు చిత్ర పరిశ్రమకు ఎన్నో అద్భుతమైన సాహస ప్రయోగాత్మక చిత్రాలను పరిచయం చేసిన నటుడిగా పేరుపొందారు.ఇలా ఇండస్ట్రీకి ఎన్నో సేవలు చేసినటువంటి కృష్ణ గారు మంగళవారం తుది శ్వాస విడిచారు. సుమారు ఐదు దశాబ్దాల సినీ కెరియర్ లో సుమారు 350 కి పైగా సినిమాలలో నటించారు.
ఇలా ఇన్ని సినిమాలలో నటించిన కృష్ణ సుమారు 80 మంది హీరోయిన్లతో నటించి సందడి చేశారు. ఇకపోతే ఈ హీరోయిన్లలో కృష్ణ మనసు పడ్డ హీరోయిన్ మాత్రం శ్రీదేవి అంటూ సీనియర్ జర్నలిస్టు ఇమంది రామారావు తెలియజేశారు. సాధారణంగా కృష్ణ గారు ఇతర హీరోయిన్లతో నటిస్తే ఆయన ఎంతో రిజర్వ్డ్ గా ఉండేవారు.
హీరోయిన్లు చనువుగా అతనితో నటించిన ఆయన మాత్రం దూరం దూరంగా ఉండేవారని శ్రీదేవితో మాత్రం ఆయన ఎంతో ఆసక్తిగా నటించేవారని ఈయన తెలిపారు. ఈ విధంగా ఎంతో మంది హీరోయిన్లతో కృష్ణ నటించినప్పటికీ ఆయన మనసు పడ్డ టాప్ హీరోయిన్ మాత్రం శ్రీదేవినని ఆ తర్వాత జయప్రదతో కూడా అంతే ఇష్టంగా నటించేవారు అంటూ ఈయన వెల్లడించారు.
Krishna: శ్రీదేవితో ఆసక్తిగా నటించేవారు…
కృష్ణ సుమారు 350 సినిమాలలో నటించిన ఈయన 50 సినిమాలను కేవలం విజయనిర్మలతో కలిసి నటించారు. 40 పైగా జయప్రదతో కలిసి నటించారు. అలాగే 32 సినిమాలను శ్రీదేవితో కలిసి నటించారు. ఇకపోతే కృష్ణ గారు మరణించారని వార్త తెలియగానే నటి జయప్రద సైతం ఆయన మంచితనం గురించి తెలియజేస్తూ ఎంతో ఎమోషనల్ అయిన విషయం మనకు తెలిసిందే. ఇక ఈ ఇంటర్వ్యూ సందర్భంగా జర్నలిస్టు ఇమంది రామారావు చేసినటువంటి ఈ కామెంట్స్ వైరల్ అవుతున్నాయి.
