Lahari: సోషల్ మీడియా పుణ్యమా అని ప్రస్తుతం సినిమా సెలబ్రెటీలతో సమానంగా బుల్లితెర నటీనటులు కూడా బాగా పాపులర్ అవుతున్నారు. అలా ఎంతో మంది బుల్లితెర నటీనటులు సీరియల్స్ లో నటిస్తూ సోషల్ మీడియాలో యాక్టివ్ గా ఉంటూ మంచి గుర్తింపు సొంతం చేసుకుంటున్నారు. అలా గుర్తింపు పొందిన బుల్లితెర నటులలో లహరి కూడా ఒకరు.
చైల్డ్ ఆర్టిస్ట్ గా ఇండస్ట్రీలో అడుగుపెట్టిన లహరి చక్రవాకం,ముద్దుబిడ్డ మొగలిరేకులు వంటి సూపర్ హిట్ సీరియల్స్ లో నటించింది. అంతే కాకుండా ప్రస్తుతం ఇంటింటి గృహలక్ష్మి సీరియల్ లో కూడా నటించింది.
ఇలా సీరియల్స్ లో నటిస్తూ బిజీగా ఉండే లహరి బుల్లితెర మీద ప్రసారమవుతున్న టీవీ షోలో కూడా సందడి చేస్తూ ఉంటుంది.
అంతేకాకుండా సోషల్ మీడియాలో కూడా యాక్టివ్ గా ఉంటూ ఎప్పటికప్పుడు తనకు సంబంధించిన ఫోటోలు వీడియోలను సోషల్ మీడియాలో షేర్ చేస్తూ ఉంటుంది. ఈ క్రమంలో ఇటీవల తాను తల్లి కాబోతున్న సంగతి సోషల్ మీడియా ద్వారా అభిమానులతో పంచుకుంది. ఇక ఇటీవల తన సీమంతానికి సంబంధించిన షాపింగ్ వీడియోలను కూడా సోషల్ మీడియాలో షేర్ చేసింది.
Lahari: పాల్గొన్న బుల్లితెర నటీమణులు…
ఈ క్రమంలో తాజాగా లహరి సీమంతం వేడుక ఘనంగా జరిగింది. కుటుంబ సభ్యులు, సన్నిహితుల సమక్షంలో లహరి సీమంతం ఎంతో ఘనంగా జరిగింది. ఈ సీమంతం వేడుకకు బుల్లితెర నటీనటులు కూడా హాజరయ్యారు. ప్రస్తుతం లహరి సీమంతానికి సంబంధించిన ఫోటోలు సోషల్ మీడియాలో షేర్ చేయగా ప్రస్తుతం ఆ ఫోటోలు వైరల్ గా మారాయి. ఇక ఈ ఫోటోలు చూసిన ఆమె అభిమానులు లహరికి పండంటి బిడ్డ పుట్టాలని కోరుకుంటున్నారు.
