Lavanya Tripati: లావణ్య త్రిపాఠి పరిచయం అవసరం లేని పేరు. అందాల రాక్షసి సినిమా ద్వారా ప్రేక్షకుల ముందుకు వచ్చినటువంటి ఈమె తెలుగులో ఎన్నో సినిమాలలో నటించారు. ఇకపోతే మరి కొద్ది రోజులలో ఈమె తెలుగింటి కోడలుగా అడుగు పెట్టబోతున్నారు.మెగా ప్రిన్స్ వరుణ్ తేజ్ తో ప్రేమలో ఉన్నటువంటి లావణ్య త్రిపాఠి ఏకంగా తనతో కలిసి ఏడు అడుగులు నడవడానికి సిద్ధమయ్యారు.
ఇప్పటికే ఈమె ఎంతో ఘనంగా నిశ్చితార్థం కూడా జరుపుకున్న విషయం మనకు తెలిసిందే. ఇక ఈమె సినీ కెరియర్ విషయానికి వస్తే ఎన్నో తెలుగు సినిమాలలో నటించిన ఈమె తాజాగా పులిమేక అనే వెబ్ సిరీస్ ద్వారా ప్రేక్షకుల ముందుకు వచ్చారు. అయితే ఈమె సినీ కెరియర్ లో ఒక బ్లాక్ బస్టర్ సినిమాని వదులుకున్నానని చెప్పుకొచ్చారు.ఇప్పటివరకు ఏ సినిమాలో కూడా లిప్ లాక్ సన్నివేశాలలో లావణ్య త్రిపాఠి నటించిన సందర్భాలు లేవు.
ఈ క్రమంలోనే విజయ్ దేవరకొండతో కలిసి తనకు గీతాగోవిందం సినిమాలో నటించే అవకాశం వచ్చిందట అయితే ఇందులో లిప్ లాక్ సన్ని వేషాలు అధికంగా ఉండడంతో కేవలం ఆ సన్నివేశాలలో నటించడానికి భయపడి తాను ఈ బ్లాక్ బస్టర్ సినిమాని వదులుకున్నానని లావణ్య త్రిపాఠి ఓ సందర్భంలో తెలియజేశారు. ఈ సినిమాను నేను రిజెక్ట్ చేయడంతోనే రష్మిక ఈ సినిమాలో నటించిందని తెలిపారు.
Lavanya Tripati: పాన్ ఇండియా స్టార్ అయ్యేదాన్ని…
ఒకవేళ ఈ సినిమాలో కనుక నేను నటించి ఉంటే రష్మిక లాగా నేను కూడా ఈపాటికి పాన్ ఇండియా హీరోయిన్ గా పేరు ప్రఖ్యాతలు సంపాదించుకునే దానిని అంటూ గీత గోవిందం సినిమా గురించి ఆ సినిమాని వదులుకోవడం గురించి లావణ్య త్రిపాఠి చేసిన కామెంట్స్ వైరల్ అవుతున్నాయి.
