LR Eswari: సుకుమార్ దర్శకత్వంలో అల్లు అర్జున్ రష్మిక హీరో హీరోయిన్లుగా నటించిన చిత్రం పుష్ప ఈ సినిమాలోని ఉ అంటవా మామ అనే స్పెషల్ సాంగ్ ఎంతగా ఆదరణ పొందిందో మనకు తెలిసిందే. డిఎస్పి సంగీత సారథ్యంలో ఇంద్రావతి చౌహన్ పాడినటువంటి ఈ పాటకు సమంత స్టెప్పులు ప్రేక్షకులను ఎంతగానో ఆకట్టుకున్నాయని చెప్పాలి. ఈ పాట ద్వారా సమంత బాలీవుడ్ ఇండస్ట్రీలో కూడా ఎంతో మంచి ఆదరణ సంపాదించుకుంది.
ఇక ఈ పాట అప్పట్లో పెద్ద ఎత్తున సోషల్ మీడియాని షేక్ చేసిందని చెప్పాలి. ఎంతో ఫేమస్ అయినటువంటి ఈ పాట గురించి సింగర్ ఈశ్వరి సంచలన వ్యాఖ్యలు చేశారు.తాజాగా ఒక ఇంటర్వ్యూలో పాల్గొన్నటువంటి ఈమె పుష్ప సినిమాలోని ఈ స్పెషల్ సాంగ్ గురించి మాట్లాడుతూ షాకింగ్ కామెంట్స్ చేశారు.
అప్పట్లో తాము పాడే పాటలకు ఎంతో మంచి ఆదరణ ఉండేదని ఇప్పటికీ కూడా ఆ పాటలు నిలుస్తున్నాయి అంటే ఆ పాటలు ఎంతో గొప్పగా ఉండేవని తెలిపారు. అయితే ఇప్పుడు వస్తున్నటువంటి పాటలకు పెద్దగా ఆదరణ లేదని ఈమె తెలియజేశారు. గత కొద్ది రోజుల క్రితం వచ్చినటువంటి ఉ అంటావా మామ ఊ..ఊ అంటావా మావ అనే పాట విన్నాను అసలు అది కూడా ఓ పాటేనా అంటూ ఈమె కామెంట్ చేశారు.
LR Eswari నేను పాడి ఉంటే మరోలా ఉండేది…
ఈ పాట మొదటి నుంచి చివరి వరకు ఒకే విధంగా ఉంది కనీసం మ్యూజిక్ డైరెక్టర్ అయిన ఈ విషయం చూసుకోవాలి కదా.. పిల్లలకి ఏం తెలుసు వాళ్ళు మ్యూజిక్ డైరెక్టర్లు చెప్పిన విధంగా పాడతారు. ఆ పాటే కనుక నా దగ్గరకు వచ్చి ఉంటే మరోలా ఉండేదని ఈ సందర్భంగా ఈశ్వరి చేసినటువంటి ఈ కామెంట్స్ సోషల్ మీడియాలో వైరల్ గా మారాయి.
