MaheshBabu: ఘట్టమనేని ఫ్యామిలీ నుంచి మరో హీరో టాలీవుడ్ ఎంట్రీ ఇచ్చేందుకు సిద్దంగా ఉన్నారు. ఓ వైపు పొలిటికల్ సపోర్ట్ మరోవైపు హీరో మహేష్ బాబు క్రేజ్ ను ఉపయోగించుకుని టాలీవుడ్ లో తన ముద్ర చాటుకునేందు సిద్దం అవుతున్నాడు గల్లా అశోక్.
‘హీరో’ సినిమాతో తెలుగు ప్రేక్షకుల ముందుకు రాబోతున్నాడు. సంక్రాంతి బరిలో నిలిచి తన లక్ ను పరీక్షించుకోబోతున్నాడు. ఇప్పటికే ఈ సినిమా ప్రమోషన్లను కూడా మొదలు పెట్టారు. అశోక్ గల్లాతో పాటు హీరోయిన్ నిధి అగర్వాల్ కూడా ప్రమోషన్లలో పాల్గొంటున్నారు.
ఇప్పటికే విడుదలైన ఈ సినిమా ట్రైలర్ పై మంచి స్పందన వస్తోంది. ఇక ఏ కొత్త కథానాయకుడు అశోక్ గల్లా ఏ రేంజ్ హిట్ కొడుతాడో చూడాలి. ఇదిలా ఉంటే తన ఫ్యామిలీ మ్యాటర్స్ పై ఈజీగా ఓపెన్ అవుతున్నాడు ఈ కుర్ర హీరో.
ఓ సారి నేను మహేష్ పక్కన ఉండగానే..
తన మామాయ్య ప్రిన్స్ మహేష్ బాబు గురించి ఆసక్తికర వివారాలను బయటపెట్టాడు. మహేష్ బాబు లాంటి వ్యక్తిని తానింత వరకు చూడలేదని చెబుతున్నాడు. మహేష్ బాబు ఇంట్లో చాలా కూల్ అని.. అల్లరిగా ఉంటారని.. పిల్లలతో కూడా ఇట్టే కలిసిపోతారని చెబుతున్నాడు గల్లా అశోక్. ఆయనతో కనెక్ట్ అయితే ఎదుటివారు కూడా చాలా హ్యాపీగా ఉండేలా చేస్తారని చెప్పుకొచ్చారు. మహేష్ బాబు ఫ్యామిలీకి సంబంధించిన ప్రతీ విషయంలో క్లోజ్ గా ఉంటారని… ఎనర్జిటిక్ గా కనిపిస్తారని అశోక్ గల్లా తెలిపాడు. ఇదిలా ఉంటే ఇంకో ఆసక్తికర విషయాన్ని బయటపెట్టాడు. ఓ సారి నేను మహేష్ పక్కన ఉండగానే బీర్ తాగానని.. ఈ సమయంలో మహేష్ ఓ లుక్కు ఇచ్చారని… నువ్వు బీరు కూడా తాగుతావా అని అడిగారని తెలిపాడు. ఇలా అడగటంతో నేను సైలెంట్ గా ఉండిపోయానిని తెలిపాడు.
