Mahesh Babu: మహేష్ బాబు పరశురామ్ దర్శకత్వంలో నటించిన సినిమా ఈ నెల 12వ తేదీ విడుదల కానుంది. ఈ క్రమంలోనే పెద్దఎత్తున సినిమా ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాల్లో భాగంగా యాంకర్ సుమ మహేష్ బాబు, డైరెక్టర్ పరుశురామ్ తో ఇంటర్వ్యూ నిర్వహించారు. ఈ క్రమంలోనే సుమ మహేష్ బాబును పలు ప్రశ్నలు అడిగారు.
ఈ సందర్భంగా సుమ ప్రశ్నిస్తూ బయట చాలామంది గురించి ఎన్నో రకాల గాసిప్స్ వింటూ ఉంటాము అలాగే మాట్లాడుతూ ఉంటాము.మీరు కూడా నమ్రతతో ఇలాంటి గాస్సిప్స్ గురించి ఎప్పుడైనా మాట్లాడారా? అని ప్రశ్నించారు. ఇక ఈ ప్రశ్నకు మహేష్ బాబు ఎంతో ఆశక్తికరమైన సమాధానం వెల్లడించారు.
తాను నమ్రతతో కలిసి ఎప్పుడు ఇలాంటి గాసిప్స్ గురించి మాట్లాడలేదని మహేష్ బాబు వెల్లడించారు. అయితే నమ్రత తన స్నేహితులతో కలిసినప్పుడు ఎక్కువగా మాట్లాడతారని, ఆ గాసిప్స్ మనం వినలేము అని మహేష్ బాబు వెల్లడించారు.
ఆ మాటలు వినలేము…
అసలే నమ్రతది ముంబై ఇక తన స్నేహితులతో కలిసి ఇలాంటి గాసిప్స్ గురించి చాలా చండాలంగా మాట్లాడుతుంటారని, ఒక్కోసారి ఆ మాటలను నేను వినలేనని, అవి చెప్పడానికి కూడా వీలులేకుండా ఉంటాయని నమ్రత గురించి మహేష్ బాబు ఈ సందర్భంగా వెల్లడించారు.మొత్తానికి గాసిప్స్ గురించి, నమ్రత గురించి మహేష్ బాబు చేసిన ఈ వ్యాఖ్యలు సోషల్ మీడియాలో వైరల్ గా మారాయి.
