Mahesh Babu: టాలీవుడ్ ఇండస్ట్రీలో సూపర్ స్టార్ గా కొనసాగుతున్నటువంటి మహేష్ బాబు ప్రస్తుతం త్రివిక్రమ్ శ్రీనివాస్ దర్శకత్వంలో తెరకెక్కుతున్న గుంటూరు కారం సినిమా ద్వారా ప్రేక్షకుల ముందుకు రావడానికి సిద్ధమయ్యారు. ఈ సినిమా ప్రస్తుతం శరవేగంగా షూటింగ్ పనులను జరుపుకుంటుంది. ఈ సినిమా తర్వాత మహేష్ బాబు రాజమౌళి దర్శకత్వంలో సినిమా చేయబోతున్న విషయం మనకు తెలిసిందే.
ఇక రాజమౌళి సినిమా అంటే ఎలా ఉంటుందో ప్రత్యేకంగా చెప్పాల్సిన పనిలేదు అద్భుతమైన టెక్నాలజీ ఉపయోగిస్తూ ఒక విజువల్ వండర్ లా జక్కన్న సినిమాలను తీర్చిదిద్దుతారు. ఇక మహేష్ బాబు కోసం సరికొత్త టెక్నాలజీని కూడా ఈయన ఉపయోగించబోతున్నారని తెలుస్తోంది. ఇలా మహేష్ బాబు రాజమౌళి కాంబినేషన్లో రాబోతున్న ఈ సినిమాపై ఇప్పటికే భారీ అంచనాలు ఉన్నాయి.
ఇక ఈ సినిమా కోసం మహేష్ బాబు ఏకంగా రెండు సంవత్సరాల పాటు తన డేట్స్ ఇచ్చేసారని తెలుస్తోంది. ఇక తాజాగా ఈ సినిమాకు సంబంధించినటువంటి ఒక అప్డేట్ సోషల్ మీడియాలో వైరల్ అవుతుంది. రాజమౌళి దర్శకత్వంలో మహేష్ బాబు చేయబోయే సినిమా కోసం భారీగానే రెమ్యూనరేషన్ తీసుకుంటున్నారని చెప్పాలి ఏకంగా మహేష్ బాబు ఈ సినిమా కోసం 100 కోట్ల రూపాయల రెమ్యూనరేషన్ తీసుకోబోతున్నారట.
Mahesh Babu: లాభాలలో వాటాలు…
అయితే మహేష్ బాబు ఈ 100 కోట్ల రూపాయలను కూడా నిర్మాణంలో భాగం చేస్తూ ఈ సినిమా లాభాలలో వాటా తీసుకోబోతున్నారని తెలుస్తోంది. ఏది ఏమైనా మహేష్ బాబు పాన్ ఇండియా స్టార్ హీరో కాకపోయినా ఈయన సినిమాకు వందకోట్ల రెమ్యూనరేషన్ అంటే మామూలు విషయం కాదని చెప్పాలి.ప్రస్తుతం టాలీవుడ్ ఇండస్ట్రీలో ఒక్కో సినిమాకు నలభై నుంచి 50 కోట్లు తీసుకుంటున్నటువంటి మహేష్ బాబు ఏకంగా రాజమౌళి సినిమాకు 100 కోట్లు అని తెలియడంతో అందరూ ఆశ్చర్యపోతున్నారు.
