Mahesh Babu: తెలుగు చిత్ర పరిశ్రమలో సూపర్ స్టార్ గా ఎంతో పేరు ప్రఖ్యాతలు సంపాదించుకున్న మహేష్ బాబు సినిమాలలో మాత్రమే కాకుండా నిజజీవితంలో కూడా హీరో అని చెప్పాలి.ఈయన సినిమాలలో నటించి కోట్ల రూపాయల పారితోషకం తీసుకొని ఆస్తులను కూడబెట్టటమే కాకుండా తాను సంపాదించిన వాటిలో కొంతమేర సామాజిక సేవా కార్యక్రమాల కోసం ఉపయోగిస్తూ ఎంతో మంచి మనసును చాటుకున్నారు.
ఇప్పటికే మహేష్ బాబు తన ఫౌండేషన్ ద్వారా పలు గ్రామాలను దత్తత తీసుకొని ఆ గ్రామాలలో మౌలిక సదుపాయాలతో పాటు ఆ గ్రామంలో చదివే పిల్లలకు డిజిటల్ చదువులను కూడా చెప్పిస్తున్నారు.అదేవిధంగా మహేష్ బాబు ఫౌండేషన్ ద్వారా ఎంతో మంది చిన్నారులకు గుండె ఆపరేషన్లను నిర్వహిస్తూ వారికి పునర్జన్మ కల్పిస్తున్నారు. ఇలా ఎన్నో సామాజిక సేవా కార్యక్రమాలను నిర్వహిస్తున్నటువంటి మహేష్ బాబు ఇండస్ట్రీలో చిన్న చిన్న ఆర్టిస్టులకు ఇబ్బందుల్లో ఉన్న వారికి కూడా సహాయం చేసి మంచి మనసును చాటుకున్నారు.
ఈ క్రమంలోనే డైరెక్టర్ ఈశాన్ సూర్య సైతం తాజాగా ఒక ఇంటర్వ్యూలో పాల్గొని మహేష్ బాబు తనకు చేసిన సహాయం గురించి తెలియజేశారు.ఈయన డైరెక్టర్ కాకముందు శీను వైట్ల దగ్గర రైటర్ గా పని చేసేవారట ఇలా మహేష్ బాబు శీను వైట్ల దగ్గర సినిమా చేస్తున్న సమయంలో ఆయన తనకు పెద్ద సహాయం చేశారంటూ ఈశాన్ సూర్య వెల్లడించారు. ఒకానొక సమయంలో తనకు అవకాశాలు లేక ఇబ్బందులు పడ్డానని చివరికి నా పిల్లల చదువులు కూడా ఆగిపోయే పరిస్థితి వచ్చిందని తెలిపారు.
Mahesh Babu: మహేష్ బాబు మనసు ఎంతో మంచిది..
ఈ విధంగా పిల్లలు చదువులు ఆగిపోతాయని తెలియగానే ధైర్యం చేసి మహేష్ బాబు దగ్గరకు వెళ్లి సహాయం అడగాలని భావించాను. అక్కడికి వెళ్లి సంకోచిస్తూ ఉండగా మహేష్ బాబు గారే తనని అడిగి విషయం మొత్తం తెలుసుకున్న తర్వాత ఈ మాత్రం దానికి ఎందుకు అలా సంకోచిస్తున్నావ్ అనిచెప్పి వెంటనే మేనేజర్ ని పిలిచి తనకు కావాల్సినవన్నీ ఏర్పాటు చేయమని చెప్పారంటూ ఈ సందర్భంగా డైరెక్టర్ వెల్లడించారు.అలా ఆరోజు మహేష్ బాబు చొరువతోనే నేడు నా పిల్లలు చదువులు ఆగకుండా మంచి చదువులు చదువుతున్నారని మహేష్ బాబు మంచి మనసు గురించి ఈశాన్ సూర్య వెల్లడించారు.
Gold ma @urstrulyMahesh ????????
Ginna movie director Eeshaan Suryah garu about #MaheshBabu help to him for his children studies..#SSMB28 #SSMB29 #SSMB pic.twitter.com/gK16N1MCIN
— SSMB Fan (@BabuFanHere) November 1, 2022
