Major cinema : అడవి శేష్ హీరోగా శశి కిరణ్ తిక్క దర్శకత్వంలో వచ్చిన సినిమా మేజర్. మేజర్ సందీప్ ఉన్ని కృష్ణన్ జీవిత కథ ఆధారంగా తీసిన చిత్రం మేజర్. ఈ సినిమా ప్రపంచవ్యాప్తంగా విడుదలయి మంచి ఆదరణ అందుకుంది. మహేష్ బాబు గారి జీఎంబీ ఎంటర్టైన్మెంట్ , ఏ ప్లస్ ఎస్ మూవీస్ తో కలిసి సోని పిక్చర్ ఫిలిమ్స్ సంయుక్తంగా ఈ సినిమాను నిర్మించారు. సినిమాకు పాజిటివ్ స్పందన రావడంతో పాటు మంచి వసూళ్లను కూడా రాబడుతోంది. సందీప్ ఉన్నికృష్ణన్ గా అడవి శేష్, ప్రకాష్ రాజ్, రేవతి, శోభిత ధూళిపాళ్ళ, సయి మంజ్రేకర్ నటించారు.
రాయల్టీ విషయంలో సందీప్ పేరెంట్స్ అలా చేసారు…..
సినిమా మంచి విజయాన్ని అందుకుంది, ఇక సందీప్ పేరెంట్స్ సినిమాపై హక్కులకు గాను రాయల్టీని అందుకుని ఉండొచ్చన్న ఊహాగానాల నడుమ నిర్మాతలు అనురాగ్, శరత్ లు ఈ విషయంపై క్లారిటీ ఇచ్చారు. సినిమా మొదలు పెట్టక ముందే సందీప్ తల్లిదండ్రులను కలిసి రాయల్టీ విషయం మాట్లాడితే గెట్ అవుట్ ఫ్రమ్ మై హౌస్ అంటూ అరిచి నా కొడుకు కథకు డబ్బులు తీసుకునేంత దీనస్థితిలో మేములేము అంటూ అన్నారని చెప్పారు.
సందీప్ మరణించాక వచ్చిన ఇన్సూరెన్స్ డబ్బులను కూడా తమ సన్నిహితులకు ఇచ్చేశామని సందీప్ పేరెంట్స్ వివరించినట్లు చెప్పారు. సందీప్ పేరెంట్స్ చాలా నిజాయితీ పరులు అంటూ నిర్మాతలు పేర్కొన్నారు. ఇక ఈ సినిమా రాయల్టీ డబ్బులను సైన్యంలో చేరాలనుకుంటున్న యువతకు సందీప్ ఫౌండేషన్ ద్వారా ఇవ్వాలనుకుంటున్నట్లు చెప్పారు. అదే వాళ్ళ పేరెంట్స్ కి ఇచ్చే రాయల్టీ అని నిర్మాతలు పేర్కొన్నారు.
