హైదరాబాద్ నగర శివారులోని పహాడీషరీఫ్ ప్రాంతంలో శనివారం ఉదయం భారీ అగ్నిప్రమాదం సంభవించింది. ఒక పెళ్లి డెకరేషన్ సామాగ్రిని నిల్వ చేసుకున్న గోదాంలో మంటలు అకస్మాత్తుగా చెలరేగాయి. భారీగా ఎగిసిపడుతున్న మంటలు, దట్టంగా అలుముకున్న పొగతో పరిసర ప్రాంతాలు ఒక్కసారిగా భయానకంగా మారిపోయాయి.
ప్రమాదం తీవ్రతను గమనించిన స్థానికులు వెంటనే ఫైర్ డిపార్ట్‌మెంట్‌కు సమాచారం అందించగా, మూడు ఫైరింజన్లు సంఘటనా స్థలానికి చేరుకుని మంటల అదుపుకు యత్నిస్తున్నాయి. గోదౌన్‌లో ప్లాస్టిక్, థర్మోకోల్, ఫ్లెక్స్ వంటి అగ్నికి బాగా ఎరుపైన మెటీరియల్స్ ఉండటంతో మంటలు వేగంగా వ్యాపించాయి.
ప్రస్తుతం ఫైర్ సిబ్బంది మంటలను అదుపు చేయడంలో నిమగ్నమై ఉన్నారు. ఇప్పటివరకు ప్రాణనష్టం గురించి ఎలాంటి సమాచారం అందలేదు. అగ్నిప్రమాదానికి గల కారణాలపై అధికారులు దర్యాప్తు ప్రారంభించారు.
