Mamatha Mohandas: మమతా మోహన్ దాస్ పరిచయం అవసరం లేని పేరు తెలుగు తమిళ కన్నడ భాషలలో పలు సినిమాలలో నటించి సందడి చేస్తున్న ఈమె ఎన్టీఆర్ హీరోగా నటించిన యమదొంగ సినిమాలో పెద్ద ఎత్తున సందడి చేస్తూ ప్రేక్షకులను ఆకట్టుకున్నారు. ఇలా తెలుగులో పలు సినిమాలలో నటించి సందడి చేసిన మమత మోహన్ దాస్ తాజాగా సోషల్ మీడియా వేదికగా తనకు సంబంధించిన ఓ విషయాన్ని వెల్లడించారు.
మమతా మోహన్ దాస్ గతంలో భయంకరమైన క్యాన్సర్ మహమ్మారి బారిన పడిన విషయం మనకు తెలిసిందే. ఈ వ్యాధి నుంచి క్రమక్రమంగా కోలుకున్నటువంటి ఈమె మరోసారి లింఫోమా అనే మరొక భయంకరమైన వ్యాధి బారిన పడి ఈ వ్యాధితో పోరాడి బయటపడ్డారు. ఇలా రెండుసార్లు ప్రాణాంతకమైన వ్యాధులతో పోరాడి బయటపడిన ఈమెను దేవుడు చిన్న చూపు చూస్తున్నాడు.
ఇలా ఇప్పటికే పలు వ్యాధుల నుంచి కోలుకున్నటువంటి మమతా మోహన్ దాస్ తాజాగా మరొక వ్యాధి బారిన పడినట్లు ఈమె సోషల్ మీడియా వేదికగా తన సమస్యను తెలియజేశారు. ప్రస్తుతం తాను బొల్లి వ్యాధితో బాధపడుతున్నానని, ఈ వ్యాధి కారణంగా తన చర్మం రంగు మొత్తం మారిపోతుంది అంటూ ఈమె ఇంస్టాగ్రామ్ వేదికగా తన ఆరోగ్య సమస్యను తెలియజేశారు.
Mamatha Mohandas: క్రానిక్ ఇమ్యూన్ డిజాస్టర్
ఇలా ఈమె క్రానిక్ ఇమ్యూన్ డిజాస్టర్ తో బాధపడుతున్నానంటూ తన ఫోటోలను ఇంస్టాగ్రామ్ వేదికగా షేర్ చేస్తూ అసలు విషయం వెల్లడించారు. ఇలా రెండుసార్లు ప్రాణాంతకర వ్యాధులతో పోరాడి బయటపడిన ఈమెకు మరోసారి ఇలాంటి వ్యాధి రావడంతో అభిమానులు ఎంతో విచారం వ్యక్తం చేస్తున్నారు.
