సాధారణంగా ట్రాఫిక్ జామ్ అయినప్పుడు మనం చాలా బోర్ గా ఫీల్ అవుతాము. ఈ క్రమంలోనే కొందరు సరదాగా మ్యూజిక్ వింటూ ఉంటారు. మరి కొందరు ఏదైనా వేరే దారి ఉంటే ఆ మార్గాన వెళ్లడానికి ప్రయత్నిస్తారు. కానీ ఓ యువకుడు ట్రాఫిక్ జామ్ అవడంతో బోర్ కొడుతుందని ఏకంగా నదిలో దూకిన ఘటన లుసియానాలో చోటు చేసుకుంది. పోలీసులు తెలిపిన వివరాల మేరకు…
జిమ్మి ఇవాన్ జెన్నింగ్ అనే యువకుడు తన స్నేహితులతో కలిసి షికారు చేస్తున్నాడు. ఈ క్రమంలోనే
బాసిన్ బ్రిడ్జ్ మీద ప్రమాదం జరగడంతో ట్రాఫిక్ ఏర్పడింది. గంటల తరబడిన ట్రాఫిక్ క్లియర్ కాకపోవడంతో ఎంతో విసుగు చెందిన జెన్నింగ్ ఇక నేను ఇక్కడ వెయిట్ చేయలేను.. ఆ నదిలో దూకి వెళ్ళిపోతాను అంటూ స్నేహితులతో చెప్పాడు. అయితే జెన్నింగ్ సరదాగా చెప్పాడని భావించిన స్నేహితులు అతడు దూకుతూ ఉండగా వీడియో తీశారు.
ఏకంగా వంద అడుగుల ఎత్తులో ఉన్న బ్రిడ్జ్ పై నుంచి అచ్చఫాలయ నదిలోకి దూకాడు. ఆ నదిలో నీటి ప్రవాహం అధికంగా ఉండటంతో కాసేపటి వరకు జెన్నింగ్ కనిపించకపోవడంతో తన స్నేహితులు ఈ విషయాన్ని పోలీసులకు చేరవేశారు. ఈ క్రమంలోనే పోలీసులు గాలింపు చర్యలు చేపట్టినప్పటికీ అతను కనిపించలేదు. మరొక విషయం ఏమిటంటే ఆ నదిలో ఎక్కువగా మొసళ్ళు ఉంటాయని తెలియక నదిలో దూకాడు స్థానికులు చెబుతున్నారు.
జెన్నింగ్ ఎంతసేపటికి కనిపించకపోవడంతో అతను చనిపోయి ఉంటాడని భావించారు. కానీ నదిలో కొంత దూరంలో ఒక దీవి ఉండటంతో కష్టపడుతూ అక్కడికి చేరుకున్నాడు. ఆ దేవి పై జెన్నింగ్ ఉండటాన్ని గమనించిన పోలీసులు అతనిని అరెస్టు చేసి ఆస్పత్రికి తరలించారు. పోలీసులు అతడు మాదక ద్రవ్యాలను సరఫరా చేస్తున్నాడన్న అనుమానంతోనే అతనిని అరెస్టు చేసినట్లు తెలిపారు.ప్రస్తుతం జెన్నింగ్స్ నదిలో దూకిన ఈ వీడియో సోషల్ మీడియాలో వైరల్ గా మారింది.
