మెగస్టార్ చిరంజీవి ప్రస్తుతం పలు సినిమాలు సంతకాలు చేసే పనిలో నిమగ్నం అయ్యడు. వరస పెట్టి.. రెస్ట్ లేకుండా మూవీలను చేస్తున్నాడు. ప్రస్తుతం ఆచార్య మూవీ చివరిదశకు చేరుకోగా.. తాజాగా అతడు భోళా శంకర్, గాడ్ ఫాదర్, మెగా 154 సినిమాలకు పూజా కార్యక్రమాలను ఘనంగా ప్రారంభించాడు. ఊటీలో ‘గాడ్ ఫాదర్’ షెడ్యూల్ పూర్తికాగా.. ఇటీవల హైదరాబాద్లో ‘భోళా శంకర్’ షూటింగ్ ప్రారంభమైంది.
ఆచార్య మూవీ విడుదల కాక ముందే భోళా శంకర్ సినిమా షూటింగ్ లో పాల్గొంటున్నాడు. ఇప్పటికే ఇటీవల ఆ సినిమాకు సంబంధించి మొదటి షెడ్యూల్ కూడా పూర్తయింది. ఇక ఆ సినిమా షూటింగ్ లో ఉండగానే.. మరో సినిమాను ప్రారంభించాడు.
ప్రముఖ దర్శకుడు బాబీ ఆధ్వర్యంలో మెగా 154 సినిమాను ప్రారంభించాడు. నిన్న చిరంజీవి మెగా 154 మొదటి రోజు షూట్లో జాయిన్ అయ్యాడు. ఈ విషయాన్ని బాబీ సోషల్ మీడియాలో ద్వారా షేర్ చేశాడు. మెగాస్టార్ బ్యాక్ టు బ్యాక్ సినిమాల వెనుక కారణం సినీ పరిశ్రమపై ఆధారపడిన ప్రజలకు మరింత పని కల్పించడమే అని కొందరు అంటున్నారు.
అందుకే ఏకంగా మూడు సినిమాలు చేస్తున్నాడని టాక్. మెగా 154లో మాస్ మహారాజా రవితేజ చిరంజీవికి సోదరుడిగా కనిపించనున్నాడు. ఈ చిత్రాన్ని మైత్రీ మూవీ మేకర్స్ నిర్మిస్తోంది. ఇక ఈ సినిమాకు వాల్తేర్ వీరయ్య అనే టైటిల్ పరిశీలనలో ఉందని తెలుస్తోంది. ఇక మొదటి రోజు చిరంజీవి మీద సీన్స్ తెరకెక్కించడంతో ఎంతో థ్రిల్లింగ్ గా ఉందని అతడు ఆనందం వ్యక్తం చేశాడు. ఎన్నో రోజుల నుంచి ఈ సమయం కోసం వెయిట్ చేశానని.. ప్రస్తుతం అది నెరవేరిందని అన్నాడు బాబీ.
