‘మా’లో MAA(Movie Artists Associations) గొడవులు రోజురోజుకీ ముదురుతున్నాయే కానీ ఏ మాత్రం తగ్గడం లేదు. చివరకు దీనిపై చిరంజీవి కల్పించుకోవాల్సిన పరిస్థితి ఏర్పడింది. క్రమశిక్షణ సంఘం చైర్మన్ కృష్ణంరాజుకు మెగాస్టార్(మా అసోసియేషన్ వ్యవస్థాపక అధ్యక్షుడు) లేఖ రాశారు. దీంతో కొందరిపై చర్యలు తీసుకోనున్నారు.
తాజాగా హేమ, నరేశ్ మధ్య జరిగిన వ్యవహారంలో మెగస్టార్ చిరంజీవి కల్పించుకున్నారు. వెంటనే ‘మా’ అధ్యక్ష ఎన్నికలు జరపాలని ఆయన లెటర్ కూడా రాశాడు. ప్రస్తుతం కమిటీ పదవి కాలం ముగిసిందని.. దీని వల్ల ఎన్నో సంక్షేమ పథకాల కార్యక్రమాలు నిలిచిపోయాయాని.. ఆయన లేఖలో పేర్కొన్నారు. వెంటనే ఎలాంటి ఆలస్యం లేకుండా ఎన్నికలు నిర్వహించాలని చిరంజీవి కోరారు.
‘మా’ ఎన్నికల్లో పోటీ చేస్తానని ప్రకాశ్ రాజ్ చెప్పిన రోజు దగ్గర నుంచి రోజుకో వివాదం బయటకు వస్తుంది. ఎప్పుడు.. ఎక్కడ ఎవరిపై ఎలాంటి ఆరోపణలు చేస్తారో తెలియని పరిస్థితి నెలకొంది. కోవిడ్ తర్వాత మా అసోసియేషన్ సభ్యులు తీవ్ర ఇబ్బందులకు లోనవుతున్నారని.. వాళ్లను ఆదుకోవాల్సిన బాధ్యత తమపైనే ఉందని మెగస్టార్ సూచించారు.
ఇలానే ఎన్నికలు నిర్వహించకపోతే వివాదాలు ముదిరే అవకాశం ఉందని.. జాప్యం లేకుండా వెంటనే ఎన్నికలు నిర్వహించాలని ఆయన కోరాడు. లేకుంటే మా సంస్థకు చెడ్డపేరు వస్తుందని లేఖలో పేర్కొన్నట్లు సమాచారం. మెగస్టార్ ఈ విషయంలో కల్పించుకోవడంతో త్వరలోనే ఎన్నికలకు సంబంధించి నోటిఫికేషన్ వచ్చే అవకాశం ఉన్నట్లు తెలుస్తోంది.
