Megastar Chiranjeevi – CM Jagan: ఏపీ ముఖ్యమంత్రి జగన్మోహన్ రెడ్డి జనవరి 13వ తేదీ సినీ నటుడు మెగాస్టార్ చిరంజీవికి అపాయింట్మెంట్ ఇచ్చిన విషయం మనకు తెలిసిందే. ఈ క్రమంలోనే మెగాస్టార్ చిరంజీవి ప్రత్యేక విమానం ద్వారా విజయవాడ తాడేపల్లి సీఎం నివాసంలో ఆయనను కలిసి సినిమా సమస్యల గురించి వివరించానని ఈ భేటీ అనంతరం చిరంజీవి మీడియాతో తెలిపారు.
ఈ క్రమంలోనే చిరంజీవి మాట్లాడుతూ సినిమా సమస్యలన్నింటినీ ముఖ్యమంత్రికి వివరించామని, ఈ సమస్యలన్నింటికీ ముఖ్యమంత్రి సానుకూలంగా స్పందించారని త్వరలోనే ఇండస్ట్రీకి మంచి జరుగుతుందని చిరంజీవి తెలిపారు.
అదేవిధంగా సినిమా టికెట్ల రేట్లను తగ్గిస్తూ ఏపీ ప్రభుత్వం విడుదల చేసిన జీవో పై మరొక సారి పునరాలోచన చేయాలని చిరంజీవి జగన్ గారికి విజ్ఞప్తి చేసినట్లు మీడియా సమావేశంలో చిరంజీవి తెలిపారు.త్వరలోనే ఈ సమస్యకు పరిష్కారం వస్తుందని ఆశతో ఎదురుచూస్తున్న సమయంలో మంత్రి పేర్ని నాని వ్యాఖ్యలు సంచలనంగా మారాయి.
ఆ వ్యవహారం సచివాలయంలో మాట్లాడుతారు కానీ…
ఈ క్రమంలోనే మంత్రి పేర్ని నాని మీడియా సమావేశంలో మాట్లాడుతూ..చిరంజీవితో ముఖ్యమంత్రి జరిపినది సంప్రదింపు చర్యలు కాదు కుశలప్రశ్నలే అంటూ షాకింగ్ కామెంట్ చేశారు. వీరిద్దరూ భేటీ అయిన రోజు నేను లేనని మంత్రి ఈ సందర్భంగా తెలియజేశారు. ముఖ్యమంత్రి జగన్ చిరంజీవిని భోజనానికి ఆహ్వానించారు… ఆయన వెళ్లారు. భోజనం చేసే సమయంలో 100 మాట్లాడుకుని ఉంటారు. అయితే సినిమా టికెట్ల వ్యవహారం గురించి మాట్లాడితే సచివాలయంలో మాట్లాడుతారు కానీ.. ఇంట్లో ఎందుకు మాట్లాడతారు అంటూ నాని షాకింగ్ కామెంట్స్ చేశారు. భోజనం చేసే సమయంలో అనధికారికంగా ఎన్నో మాటలు మాట్లాడుతారు. వాటి గురించి మాట్లాడటం అనవసరం అంటూ మీడియా సమావేశంలో తెలిపారు.
