Mohan Babu: ప్రస్తుతం బలగం సినిమా పేరు మారుమోగుతోంది. చిన్న సినిమాగా ప్రేక్షకుల ముందుకు వచ్చిన ఈ సినిమా ఎంతో అద్భుతమైన విజయాన్ని అందుకుంది. తెలంగాణ యాస,భాషలో ప్రేక్షకుల ముందుకు వచ్చిన ఈ సినిమా ప్రతి ఒక్క తెలంగాణ ప్రేక్షకుడిని ఎంతగానో ఆకట్టుకుంది. ఇక ఈ సినిమా ప్రభావం ఎంతగా పడింది అంటే మారుమూల గ్రామంలో ఉన్నటువంటి ప్రజలు కూడా తెర కట్టి సినిమాని చూసేలా ఈ సినిమా ప్రభావం అందరిపై పడింది.
ఇకపోతే ఈ సినిమా చూసినటువంటి ఎంతోమంది అన్నదమ్ములుఅక్క చెల్లెలు వివాదాల ద్వారా మాట్లాడుకోకపోయినా ఈ సినిమా ద్వారా తిరిగి కలుసుకునేలా ఈ సినిమా అందరిపై ప్రభావం చూపుతోంది. ఇక ఈ సినిమా సామాన్య ప్రేక్షకులను మాత్రమే కాకుండా సెలబ్రిటీలను కూడా ఎంతగానో ఆకట్టుకుంటుందని చెప్పాలి.
ఇకపోతే ఈ సినిమా చూసినటువంటి మెగాస్టార్ చిరంజీవి ఇదివరకే డైరెక్టర్ వేణుని తన ఇంటికి ఆహ్వానించి ఆయనను సన్మానించిన విషయం మనకు తెలిసిందే. మోహన్ బాబు కూడా ఈ సినిమాని చూశారు. ఈ క్రమంలోనే మోహన్ బాబు విష్ణు బలగం సినిమా బృందాన్ని తమ ఇంటికి ఆహ్వానించి సన్మానం చేశారు.
Mohan Babu: నటనలో జీవించేసారు…
ఈ క్రమంలోనే ప్రియదర్శి వేణు రూప లక్ష్మిని తమ ఇంటికి ఆహ్వానించి వారికి ప్రత్యేకంగా సన్మానం చేయడమే కాకుండా సినిమాపై కూడా ప్రశంశాలు కురిపించారు.ఈ సందర్భంగా మోహన్ బాబు మాట్లాడుతూ వేణు తొలి ప్రయత్నంలోనే అద్భుతమైన సినిమా చేశారని తెలిపారు అలాగే ఈ సినిమాలో నటించిన ప్రతి ఒక్క సెలబ్రిటీ కూడా తమ పాత్రలలో జీవించారని మోహన్ బాబు ప్రశంసలు కురిపించారు. ప్రస్తుతం ఇందుకు సంబంధించిన ఫోటోలు వీడియోలు వైరల్ అవుతున్నాయి.
