సోషల్ మీడియా ఎన్నో చిత్ర విచిత్రమైన వీడియోలు ప్రపంచం మొత్తం తెలిసేలా చేస్తుంటాయి. సోషల్ మీడియా వల్ల ఎన్నో ఫన్నీ వీడియోలను చూస్తూ ఎంజాయ్ చేస్తున్నారు. ముఖ్యంగా జంతువులు చేసే చిలిపి పనులు నెటిజన్లను ఎంతగానో ఆకట్టుకుంటాయి.ఈ క్రమంలోనే సోషల్ మీడియాలో కొన్ని జంతువులు చేసే చిలిపి పనులకు సంబంధించిన వీడియోలు వైరల్ గా మారుతుంటాయి.
ఈ క్రమంలోనే ఓ కోతికి చెందిన ఓ వీడియో ప్రస్తుతం నెట్టింట్లో చక్కర్లు కొడుతోంది. ఈ వీడియోలో కోతి కూరగాయలను అమ్ముతూ దర్శనమిచ్చింది. 24 సెకండ్ల నిడివిగల ఈ వీడియోలో వ్యాపారి కూర్చోవలసిన స్థానంలో కోతి బుద్ధిగా కూర్చొని కూరగాయలు అమ్ముతున్నట్లు ఆ కోతిని చూసి నెటిజన్లు ఫిదా అవుతున్నారు.
చుట్టూ కూరగాయలు, దాని పక్కన తక్కెడను చూస్తే నిజంగానే కోతి కూరగాయలు అమ్ముతుందా అనే విధంగా ఉంది. ఈ ఘటనకు సంబంధించిన వీడియోను అటుగా వెళ్తున్న పాదచారుడు తీసి సోషల్ మాధ్యమాలలో పోస్ట్ చేశారు.ఇక ఈ వీడియో ప్రస్తుతం సోషల్ మీడియాలో వైరల్ గా మారి ఎంతో మంది నెటిజన్లను ఆకట్టుకుంది.అదేవిధంగా కోతికి కూరగాయలు అమ్మడం నేర్పిస్తే వ్యాపారికి కరోనా భయం ఉండదు అంటూ మరికొందరు కామెంట్లు కూడా పెడుతున్నారు. మొత్తానికి ఈ కోతి చేసిన చిలిపి పనులు అందరికీ నవ్వును తెప్పిస్తోంది
