Mukesh Gowda : ఏ స్టేట్ అయినా మహిళా ప్రేక్షకుల అభిమానంతోనే ఏళ్లకేళ్ళు సీరియల్స్ అలా సాగుతూ పోతున్నాయి. ఒక్కసారి ఒక సీరియల్ మొదలయిందంటే అయిపోడానికి ఒక మూడేళ్లు ఈజీగా పడుతుంది. ఇక సీరియల్స్ లోని పాత్రలను తమ ఇంట్లో మనుషుల్లా ట్రీట్ చేసే వాళ్ళు ఎంతో మంది ఉన్నారు. అలానే మా టీవిలో ప్రసారమవుతున్న ‘గుప్పెడంత మనసు’ సీరియల్ బాగా ఫేమస్ అయింది. అందులోని పాత్రదారులను చాలామంది ఓన్ చేసేసుకున్నారు. ఇక అందులోనూ ముఖ్యంగా వసుదార, రిషి పాత్రలంటే ప్రేక్షకులకు బాగా ఇష్టం. ఇక రిషి క్యారెక్టర్ కి వస్తే ఇగో మాస్టర్ గా తల్లి ప్రేమ నోచుకోని వాడిగా ఉంటూ తండ్రి తో స్నేహితుడిలాగ ఉండే క్యారెక్టర్.
తండ్రికి తండ్రైన ముకేష్…
ఇక రిషి మహేంద్ర క్యారెక్టర్స్ చూస్తే తండ్రీ కొడుకులు ఇలా ఉండాలి అని అనిపిస్తుంది అంతలా వాళ్ళు ఆ పాత్రల్లో జీవించారు. ఇక అంతలా తన నటనతో ఆకట్టుకున్న ముకేష్ నిజ జీవితంలో తన తండ్రితో ఎలా ఉంటాడో తెలిస్తే షాక్ అవ్వాల్సిందే. మా టీవిలో ప్రసారమయ్యే మా పరివార్ అవార్డ్స్ ప్రోగ్రామ్ లో భాగంగా రిషి అలియాస్ ముఖేష్ తన తండ్రిని పరిచయం చేసారు. తన తండ్రికి పక్షవాతం రావడంతో ఆయన పనులన్నీ స్వయంగా తానే చేస్తానని చెప్పి నాన్నకు నాన్న అయి అన్ని పనులను చేసి మా నాన్నని నేను నాకే పుట్టిన కొడుకులా చూసుకున్నాను, అందరి జీవితంలో ఇలా జరుగుతుందో లేదో నాకు తెలియదు. కానీ నా జీవితంలో జరిగింది. నాన్నకు నేనే నాన్నను కావడం నాకు దక్కిన గొప్ప అదృష్టంగా భావిస్తున్నాను అంటూ రిషి తండ్రిని చూసి చాలా భావోద్వేగానికి గురయ్యాడు.
కామన్ పీపుల్ అయితే ఇలాంటి పరిస్థితిలో వాళ్లే వాళ్ళ తండ్రికి అన్ని పనులు చేస్తారు. అలా కాక సెలబ్రిటీ అయితే పనులను చూసుకోడానికి మనిషిని పెడతారు. కానీ షూటింగ్స్ తో బిజీగా ఉన్నా ముకేష్ తన తండ్రి పనులను చూసుకుంటున్నారు. ముకేష్ 2015 లో మిస్టర్ కర్ణాటక గా గెలిచి మోడలింగ్ రంగంలోకి అడుగుపెట్టాడు. ఇక సీరియల్స్ లోకి అడుగుపెట్టి కన్నడ సీరియల్స్ తో పేరు తెచ్చుకున్నాడు. ఇక తెలుగులో ‘ప్రేమనగర్’ సీరియల్ తో పరిచయం అయి ఇప్పుడు గుప్పెడంత మనసు సీరియల్ తో మంచి పేరు తెచ్చుకున్నాడు. కానీ రియల్ లైఫ్ లో ఇంత బాధాకరమైన విషయాలు ఉన్నాయని మా పరివార్ అవార్డ్స్ ద్వారా తెలిసింది.
