Music Director Koti : మ్యూజిక్ డైరెక్టర్ సాలూరి రాజేశ్వరరావు గారి అబ్బాయిగా ఇండస్ట్రీలోకి మ్యూజిక్ తోనే అడుగుపెట్టిన కోటి మొదట్లో రాజ్ తో కలిసి రాజ్ కోటి గా ఇద్దరూ కలిసి ఎన్నో సినిమాలకు మ్యూజిక్ ఇచ్చారు. ఇక ఇద్దరూ విడిపోయి ఎవరికి వారు సినిమాలను చేసిన రాజ్ కోటి ధ్వయం ఆ తరువాత కూడా సూపర్ హిట్స్ అందుకున్నారు. ఇక కోటి చిరంజీవి, బాలకృష్ణ వంటి అందరు అగ్ర హీరోలకు మ్యూజిక్ చేస్తూ ఎన్నో హిట్స్ అందుకున్నారు.
రాజ్ కోటి విడిపోడానికి కారణం…
దాదాపు పదేళ్ళ పాటు రాజ్ కోటి ఇద్దరూ కలిసి సినిమాలకు సంగీతం అందించారు. అలాగే ఎన్నో సూపర్ హిట్స్ అందుకున్నారు. అలాంటి రాజ్ కోటి ధ్వయం సడన్ గా విడిపోవడానికి గల కారణాలను మ్యూజిక్ డైరెక్టర్ కోటి ఇటీవల ఒక ఇంటర్వ్యూలో వివరించారు. రాజ్ తో చాలా సమయం కలిసే ఉన్నాం. కుటుంబంతో కంటే ఎక్కువగా రాజ్ నేనే కలిసి ఉన్నాం. పని చేసుకుంటూ ఎక్కువ సమయం గడిపిన మాకు విడిపోవాలి అన్నపుడు నాకు అర్థం కాలేదు. రాజే మొదట కలిసి మ్యూజిక్ చేద్దాం అన్నాడు. తానే మొదట విడిపోదాం అన్నాడు. అందరు ప్రొడ్యూసర్స్, డైరెక్టర్స్, హీరోలు నా దగ్గరకు వచ్చి మాట్లాడుతుందటం, సినిమా గురించి మాట్లాడటం వల్ల రాజ్ కి నేను మ్యూజిక్ చేస్తున్నాను నాతో ఎవరూ మాట్లాడటం లేదు అనే అంశం బ్రెయిన్ లో పడింది. ఇక పక్కన ఉన్నవాళ్లు వాటికి అదనంగా జోడించడంతో విడిపోవాలి అనే ఆలోచన రాజ్ కి కలిగింది.
విడిపోదామని చెప్పినపుడు దాదాపు చాలా సినిమాలు సెట్లో ఉన్నాయి. మా ఇద్దరినీ నమ్మి పెద్ధ అర్కెస్ట్రా ఉంది, వారందరికీ అన్యాయం చేయలేము అందుకే తాను రాకపోయినా ఒక్కడినే మ్యూజిక్ రాజ్ కోటి పేరు మీదే చేశాను. మూడు నెలలు చూసినా రాజ్ విడిపోదామని అనేసరికి చివరకు కాళ్ళు పట్టుకుని బతిమిలాడాను, అయినా వినలేదు. దీంతో అధికారికంగా అందరికీ విడిపోయామని చెప్పాను. వచ్చిన సినిమా ఆఫర్స్ లో 90% నా దగ్గర చేయించుకోగా 10 % రాజ్ వద్దకు వెళ్లారు. రాజ్ మీద ఇప్పటికీ నాకు ఎలాంటి విరోధం లేదు అంటూ కోటి వివరించారు.
