Nagababu: జనసేన అధినేత పవన్ కళ్యాణ్ ప్రస్తుతం దేశవ్యాప్తంగా రాజకీయాలలో మారుమోగుతున్నారు. ఈయన జనసేన పార్టీ తరఫున ఈసారి ఎన్నికలలో భారీ మెజారిటీ అందుకున్నారు. ఈ క్రమంలోనే 12వ తేదీ గెలిచిన కూటమి నేతలందరూ కూడా ప్రమాణ స్వీకారం చేయబోతున్నారు అయితే ఈ ప్రమాణస్వీకారం అనంతరం పవన్ కళ్యాణ్ కు అప్పగించే బాధ్యతల గురించి పెద్ద ఎత్తున చర్చలు జరుగుతున్నాయి.
ఈ క్రమంలోనే తాజాగా ఒక వార్త సోషల్ మీడియాలో వైరల్ గా మరిన్ని పవన్ కళ్యాణ్ డిప్యూటీ సీఎంతో పాటు మరో రెండు మంత్ర పదవులు కూడా తీసుకోబోతున్నారని సమాచారం. అయితే జనసేన కోసం ఇన్ని రోజులు కష్టపడిన వారికి కూడా ఏపీ క్యాబినెట్లో చోటు కల్పించే దిశగా జనసేన అధినేత పవన్ కళ్యాణ్ అడుగులు వేస్తున్నారని తెలుస్తోంది.
ఈ క్రమంలోనే తన అన్నయ్య నాగబాబు గత పది సంవత్సరాలు కాలంగా జనసేన పార్టీ కోసం ఎంతో కష్టపడుతున్నారు. ఈ క్రమంలోనే ఏపీ క్యాబినెట్లో తనకు చోటు కల్పించాలని పవన్ కళ్యాణ్ చంద్రబాబుతో చర్చలు జరిపినట్టు సమాచారం. నిజానికి అనకాపల్లి ఎంపీగా నాగబాబు ఎన్నికల బరిలో దిగాలని భావించారు కానీ కొన్ని కారణాల వల్ల పవన్ కళ్యాణ్ జనసేన సీట్ త్యాగం చేయాల్సి వచ్చింది.
ఎమ్మెల్సీ ఎన్నికలు..
ఈ క్రమంలోనే ఎమ్మెల్సీ ఎన్నికలలో భాగంగా నాగబాబుని నియమించి అలా తనని ఏపీ క్యాబినెట్లో మంత్రిగా తీసుకోవాలనే ఆలోచనలో పవన్ కళ్యాణ్ ఉన్నట్టు సమాచారం. అయితే ఈ విషయం గురించి స్పష్టత రావాల్సి ఉంది. గత కొద్దిరోజులుగా ఈయన టిటిడి చైర్మన్ గా బాధ్యతలు అందుకోబోతున్నారని వార్తలు వచ్చినప్పటికీ ఆ వార్తలలో వాస్తవం లేదని నాగబాబు ఖండించిన సంగతి తెలిసిందే.
