Nagarjuna: ప్రవీణ్ సత్తార్ దర్శకత్వంలో నాగార్జున నటించిన చిత్రం ది ఘోస్ట్ ఈ సినిమాలో నాగార్జున సరసన సోనాల్ చౌహాన్ నటించారు. ఈ సినిమా విజయదశమి సందర్భంగా అక్టోబర్ 5వ తేదీ ప్రేక్షకుల ముందుకు రాబోతుంది. ఇక విడుదల తేదీ దగ్గర పడటంతో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాలలో భాగంగా తాజాగా ఈ సినిమా నుంచి ట్రైలర్ రిలీజ్ చేసిన విషయం మనకు తెలిసిందే.
ఇక ఈ సినిమా ట్రైలర్ విడుదల చేసిన అనంతరం చిత్ర బృందం మీడియా సమావేశంలో మాట్లాడారు. ఈ సందర్భంగా రిపోర్టర్లు నాగార్జునను ఎన్నో రకాల ప్రశ్నలు అడుగుతూ సమాధానాలు రాబట్టారు.అయితే ఒక రిపోర్టర్ వింత ప్రశ్న అడగడంతో నాగార్జున సైతం తనదైన శైలిలో సమాధానం చెప్పారు. సినిమాలలో మీకుగర్ల్ ఫ్రెండ్స్ తో రొమాన్స్ చేయడం ఇష్టమా లేక గన్నులతో ఫైరింగ్ చేయడం ఇష్టమా అంటూ ప్రశ్నించారు.
ఈ విధంగా రిపోర్టర్ వింత ప్రశ్న అడగడంతో నాగార్జున సైతం అదే స్థాయిలో సమాధానం చెప్పారు.నాకు ఒక వైపు గర్ల్ ఫ్రెండ్స్ తో రొమాన్స్ చేయడం ఇష్టం మరోవైపు గన్నుతో ఫైరింగ్ చేయడం ఇష్టం అంటూ నాగార్జున సమాధానం చెప్పడంతో ఒక్కసారిగా అక్కడ ఫన్నీ వాతావరణం నెలకొంది. మొత్తానికి నాగార్జున చెప్పిన ఈ సమాధానం అందరిని ఆశ్చర్యానికి గురిచేసింది.
Nagarjuna: యాక్షన్ విజువల్ ఫీస్ట్ ఇవ్వబోతున్నారు..
ఇక ఈ కార్యక్రమంలో భాగంగా నాగార్జున సినిమా గురించి ఎన్నో విషయాలను వెల్లడించారు. అలాగే డైరెక్టర్ ప్రవీణ్ సత్తార్ మాట్లాడుతూ ఈ సినిమాలో నాగార్జున యాక్షన్ విజువల్ ఫీస్ట్ ఇవ్వబోతున్నారు. ఈ సినిమా చాలా ఎక్సైటింగ్ గా ఉండబోతుంది.ఈ సినిమా చూసినప్పుడు మేము ఎలా ఎక్సైట్ ఫీలయ్యామో ప్రతి ఒక్క ప్రేక్షకుడికి అలాంటి ఫీలింగ్ వస్తుందని ఈ సందర్భంగా ప్రవీణ్ సత్తారు సినిమా గురించి తెలియజేశారు.అక్టోబర్ 5వ తేదీ రాబోతున్న ఈ సినిమా నాగార్జునకు ఎలాంటి రిజల్ట్ ఇస్తుందో వేచి చూడాలి.
