Nagashaurya -Anusha Shetty: టాలీవుడ్ యంగ్ హీరో నాగశౌర్య తన బ్యాచిలర్ లైఫ్ కు స్వస్తి పలుకుతూ వైవాహిక జీవితంలోకి అడుగు పెట్టారు.ఇలా నాగశౌర్య బెంగళూరుకు చెందిన ప్రముఖ ఇంటీరియర్ డిజైనర్ అనూష శెట్టి అనే అమ్మాయితో ప్రేమలో ఉండి పెద్దల సమక్షంలో వీరి వివాహాన్ని ఎంతో ఘనంగా జరుపుకున్నారు.
గత కొన్ని సమస్యల నుంచి నాగశౌర్య ప్రేమలో ఉంటూ నవంబర్ 20 ఆదివారం ఉదయం 11:25 గంటలకు పెద్దల సమక్షంలో బంధుమిత్రుల సమక్షంలో అనూష మెడలో మూడు ముళ్ళు వేశారు. ఇలా నాగశౌర్య వివాహం బెంగళూరులోని ఒక ఫైవ్ స్టార్ హోటల్లో ఎంతో అంగరంగ వైభవంగా జరిగింది. వీరి వివాహానికి పలువురు టాలీవుడ్ సెలబ్రిటీలు సైతం హాజరయ్యి నూతన వధూవరులను ఆశీర్వదించారు.
ఇకపోతే నాగశౌర్యపెళ్లి వేడుకలు మొదలైనప్పటి నుంచి వీరి పెళ్లికి సంబంధించిన అన్ని విషయాలను ఎప్పటికప్పుడు సోషల్ మీడియా వేదికగా అభిమానులతో పంచుకుంటున్నారు. ఈ క్రమంలోనే వీరి హల్ది, సంగీత కార్యక్రమాలకు సంబంధించిన ఫోటోలు వీడియోలు నెట్టింట వైరల్ అయ్యాయి.
వెల్లువెత్తుతున్న శుభాకాంక్షలు…
ఇక ఆదివారం ఉదయం నాగశౌర్య అనూష ఇద్దరూ పట్టు వస్త్రాలలో సాంప్రదాయమైన దుస్తులను ధరించి ఎంతో ఘనంగా వివాహం చేసుకున్నారు. ఇలా ఈ దంపతుల పెళ్లి ఫోటోలను సోషల్ మీడియా వేదికగా షేర్ చేయడంతో ఈ ఫోటోలు వైరల్ అవుతున్నాయి.ఈ ఫోటోలు చూసిన అభిమానులు కూడా నాగశౌర్య దంపతులకు శుభాకాంక్షలు తెలియజేస్తున్నారు.
