Balakrishna: నందమూరి నటసింహం బాలకృష్ణ ప్రస్తుతం సినిమాలలోను అలాగే రాజకీయాలలో కూడా దూకుడు కనబరుస్తున్నారు. ఈయన ప్రస్తుతం వరుస సినిమాలలో నటిస్తూ భారీ విజయాలను సొంతం చేసుకోవడమే కాకుండా మరోవైపు రాజకీయాలలో కూడా వరుసగా ఎమ్మెల్యే అభ్యర్థిగా గెలుపొందుతూ సక్సెస్ రేట్ అందుకున్నారు.
ఇకపోతే ఇటీవల బాలయ్య మరో కొత్త సినిమాకి కమిట్ అయ్యారు. ప్రస్తుతం బాబి డైరెక్షన్లో సినిమా షూటింగ్ పనులలో ఎంతో బిజీగా ఉన్న ఈయన తన పుట్టినరోజు సందర్భంగా మరో కొత్త సినిమాని ప్రకటించారు. బోయపాటి శ్రీను దర్శకత్వంలో ఇదివరకే అఖండ సినిమా ద్వారా ప్రేక్షకుల ముందుకు వచ్చి ఎంతో అద్భుతమైన విజయాన్ని సొంతం చేసుకున్న బాలకృష్ణ త్వరలోనే ఈ సినిమాకు సీక్వెల్ చిత్రం ద్వారా రాబోతున్నారు.
బాలకృష్ణ పుట్టినరోజు సందర్భంగా ఆఖండ 2 గురించి అనౌన్స్మెంట్ ఇచ్చారు. త్వరలోనే ఈ సినిమా ప్రేక్షకుల ముందుకు రాబోతుందని తెలిపారు. ఇక ఈ సినిమా 14 రీల్స్ ఎంటర్టైన్మెంట్ ద్వారా రాబోతుంది. ఇక ఈ సినిమాకు బాలకృష్ణ చిన్న కుమార్తె తేజస్విని కూడా నిర్మాతగా వ్యవహరించబోతున్నారు. ఇక ఈ సినిమా 150 కోట్ల బడ్జెట్ తో తెరకెక్కనున్నట్టు సమాచారం ఇక ఈ సినిమా కోసం బాలయ్య భారీగా రెమ్యూనరేషన్ పెంచారని తెలుస్తుంది.
కోట్లలో పెంచిన బాలయ్య..
అఖండ సినిమా కోసం బాలకృష్ణ ఏకంగా 40 కోట్ల రూపాయల రెమ్యూనరేషన్ అందుకోబోతున్నట్టు సమాచారం. ఇప్పటివరకు ఈయన కేవలం ఒక్క సినిమాకు 25 నుంచి 30 కోట్ల వరకు మాత్రమే తీసుకున్నారు. ఇక ఈ సినిమా కోసం ఏకంగా 10 కోట్ల రూపాయల రెమ్యూనరేషన్ పెంచారని తెలుస్తుంది.
