Game Changer: టాలీవుడ్ స్టార్ డైరెక్టర్ కృష్ణ వంశీ ప్రస్తుతం సినిమాలను కాస్త తగ్గించారని చెప్పాలి. ఈయన ఒకప్పుడు ఎన్నో అద్భుతమైన సినిమాలను ప్రేక్షకులు ముందుకు తీసుకువచ్చారు కానీ ఇటీవల కాలంలో కృష్ణవంశీ సినిమాలను పూర్తిగా తగ్గించారు అయితే ఈయన చేసిన సినిమాలు కూడా పెద్దగా ప్రేక్షకులను ఆకట్టుకోలేకపోయారు.
ఇదిలా ఉండగా కృష్ణవంశీ దర్శకత్వంలో మహేష్ బాబు సోనాలి బింద్రే హీరో హీరోయిన్లుగా నటించిన చిత్రం మురారి. ఈ సినిమా అప్పట్లో ఎంతో సంచలనమైన విజయాన్ని సొంతం చేసుకుంది ఇక ఈ సినిమా త్వరలోనే మహేష్ బాబు పుట్టినరోజు సందర్భంగా ప్రేక్షకులు ముందుకు తిరిగి రాబోతున్న నేపథ్యంలో ప్రమోషన్ కార్యక్రమాలను కూడా నిర్వహిస్తున్నారు.
ఇందులో భాగంగా కృష్ణవంశీ సోషల్ మీడియా వేదికగా నేటిజన్స్ అడిగే ప్రశ్నలకు సమాధానాలు చెబుతున్నారు. ఈ క్రమంలోనే ఒక నెటిజన్ రామ్ చరణ్ సినిమా గురించి ప్రశ్నించారు.మీరు గేమ్ ఛేంజర్ చిత్రం కోసం ఎదురుచూస్తున్నారా అని ప్రశ్నించాడు. దీనికి కృష్ణవంశీ సమాధానం ఇస్తూ చరణ్ నా బిడ్డలాంటివాడు. గేమ్ ఛేంజర్ పెద్ద హిట్ కావాలని కోరుకుంటున్నానని తెలిపారు.
విజినరీ డైరెక్టర్..
ఈ క్రమంలోనే మరొక నెటిజన్ ఈ కామెంట్లకు కొనసాగింపుగా కామెంట్ చేస్తూ..జరగండి జరగండి సాంగ్ విన్న తర్వాత గేమ్ ఛేంజర్ ఫ్లాప్ అవుతుందని కామెంట్ చేశారు. ఈ కామెంట్లపై ఈయన స్పందిస్తూ సినిమా గురించి ఇలాంటి నెగెటివిటీ వద్దు తప్పకుండా ఈ సినిమా మంచి సక్సెస్ అవుతుందని తెలిపారు. అయితే మరొక నెటిజన్ కామెంట్ చేస్తూ.. శంకర్ అవుట్ డేట్ డైరెక్టర్.ఆయన పనైపోయింది. గేమ్ ఛేంజర్ ఫ్లాప్ అవుతుందని మరో నెటిజన్ అన్నారు. అలా మాట్లాడడం తప్పు. శంకర్ గొప్ప విజన్ ఉన్న దర్శకుడు. ఒక పాట చూసి సినిమాని జడ్జ్ చేయకూడదు అంటూ ఈయన తన స్టైల్ లోనే సమాధానం చెప్పారు.
