Corona Variant: గత రెండు సంవత్సరాల నుంచి కరోనా మహమ్మారి వివిధ వేరియంట్ ల రూపంలో ప్రపంచ దేశాలను తీవ్ర భయాందోళనలకు గురి చేస్తున్నాయి. ఈ క్రమంలోనే డెల్టా వేరియంట్ తర్వాత ప్రస్తుతం ఒమిక్రాన్ వేరియంట్ కూడా ప్రతి ఒక్కరిని ఎంతో భయాందోళనకు గురి చేస్తున్నాయి.
అయితే చాలామంది ఈ ఒమిక్రాన్ వేరియంట్ చివరి వేరియంట్ అని అభిప్రాయం వ్యక్తం చేస్తున్నారు. అయితే నిజంగానే ఇదే ఆఖరి వేరియంటా? ఈ విషయం పై నిపుణులు ఏవిధంగా స్పందిస్తున్నారు.. అనే విషయానికి వస్తే..
ఈ సందర్భంగా ప్రపంచ ఆరోగ్య సంస్థ టెక్నిల్ లీడ్ మరియా వాన్ కెర్ఖోవే తాజాగా ఈ విషయంపై స్పందించారు. ఈ సందర్భంగా ఆమె మాట్లాడుతూ ప్రస్తుతం ప్రపంచ వ్యాప్తంగా అన్ని దేశాలలో వ్యాప్తి చెందుతున్న ఒమిక్రాన్ వేరియంట్ చివరి వేరియంట్ కాదని ఆమె తెలియజేశారు.
తర్వాత వేరియంట్ ఎంతో శక్తివంతమైనది…
ప్రస్తుతం మనం మాట్లాడుకునే ఒమిక్రాన్ వేరియంట్ తరువాత వచ్చే వేరియంట్ చాలా శక్తివంతమైనదని, ఈ వేరియంట్ శర వేగంగా వ్యాప్తి చెందుతుందని ఆమె అభిప్రాయం వ్యక్తం చేశారు. ఈ వేరియంట్ మన శరీరంలోకి వ్యాప్తిచెంది రోగనిరోధకశక్తికి దొరకకుండా ఎన్నో ఇబ్బందులకు గురి చేస్తుందని అందుకే ప్రతి ఒక్కరు జాగ్రత్తగా ఉండాలని కెర్ఖోవే వెల్లడించారు.
