Niharika: మెగా డాటర్ నిహారిక గురించి ప్రత్యేకంగా పరిచయం అవసరం లేదు. నాగబాబు కుమార్తెగా ఈమె ఇండస్ట్రీలోకి అడుగుపెట్టారు. కెరియర్ మొదట్లో బుల్లితెర యాంకర్ గా ఇండస్ట్రీకి పరిచయమైన నిహారిక తన మాట తీరుతో పెద్ద ఎత్తున ప్రేక్షకులను ఆకట్టుకున్నారు.
ఇలా బుల్లితెర యాంకర్ గా సక్సెస్ అయిన ఈమె అనంతరం ఒక మనసు చిత్రం ద్వారా హీరోయిన్ గా ప్రేక్షకుల ముందుకు వచ్చారు. అయితే నిహారిక నటించిన సినిమాలు పెద్దగా ప్రేక్షకులను ఆకట్టుకోలేకపోయాయి. ఇలా ఈమె నటించిన సినిమాలకు మంచి ఆదరణ లేకపోవడంతో నిహారిక కూడా సినిమాలకు దూరంగా ఉన్నారు.
ఇలా ఇండస్ట్రీకి దూరంగా ఉన్న ఈమెకు పెద్దలు ఎంతో ఘనంగా వివాహం చేశారు. జొన్నలగడ్డ వెంకట చైతన్య అనే వ్యక్తితో నిహారిక వివాహం అంగరంగ వైభవంగా జరిగింది. అయితే పెళ్లైన రెండు సంవత్సరాలకి వీరిద్దరు విడాకులు తీసుకొని విడిపోయారు. విడాకుల తర్వాత నిహారిక తిరిగే ఇండస్ట్రీలో కొనసాగుతూ నటిగా నిర్మాతగా మంచి సక్సెస్ అందుకున్నారు.
నిహారిక స్నేహితురాలు..
ఇకపోతే తాజాగా నిహారిక మాజీ భర్త జొన్నలగడ్డ వెంకట చైతన్యకు సంబంధించి ఓ వార్త వైరల్ అవుతుంది. ఈయన రెండో పెళ్లి చేసుకోవడానికి సిద్ధమయ్యారని తెలుస్తోంది. ఇక వెంకట చైతన్య రెండో వివాహం చేసుకోబోయేది మరెవరినో కాదు స్వయంగా నిహారిక స్నేహితురాలిని కావటం విశేషం. ఇలా నిహారిక స్నేహితురాలితో ఈయన రెండో పెళ్లికి సిద్ధమయ్యారు అంటూ ఈ వార్త సోషల్ మీడియాలో చక్కర్లు కొడుతుంది మరి ఈ వార్తలలో ఎంతవరకు నిజం ఉంది అనేది తెలియాలి.
