Allu Bobby: మెగా అల్లుడిగా ఇండస్ట్రీలో ఎంతో మంచి పేరు సంపాదించుకున్న అల్లు అర్జున్ ను చాలామంది మెగాస్టార్ చిరంజీవితో పోలుస్తూ అతనిపై ప్రశంసలు కురిపిస్తున్నారు. చిరంజీవి మాదిరిగానే సినిమా కోసం ఎంతో కష్టపడే తత్వం అల్లుఅర్జున్ లో ఉందని చాలామంది అల్లు అర్జున్ ను చిరంజీవితో పోలుస్తుంటారు.
ఈ క్రమంలోనే ఈ వ్యాఖ్యలపై అల్లు అర్జున్ సోదరుడు అల్లు బాబీ పలు ఆసక్తికరమైన వ్యాఖ్యలు చేశారు. మొదటిసారిగా అల్లు బాబీ గని సినిమాతో నిర్మాతగా మారిపోయారు.ఈ సినిమా ఈ నెల 8వ తేదీ విడుదల కావడంతో పెద్ద ఎత్తున సినిమా ప్రమోషన్ కార్యక్రమాలను నిర్వహించారు. ఈ సినిమా ప్రమోషన్ కార్యక్రమాల్లో భాగంగా ఒక ఇంటర్వ్యూలో పాల్గొన్న అల్లు బాబీకి యాంకర్ నుంచి ఇదే ప్రశ్న ఎదురయింది.
ఈ ప్రశ్నకు ఆయన సమాధానం చెబుతూ మెగాస్టార్ చిరంజీవికి అల్లు అర్జున్ కి ఏ మాత్రం పోలిక లేవు. ఎప్పుడూ కూడా చిరంజీవితో అల్లు అర్జున్ ని పోల్చలేము అంటూ సమాధానం చెప్పారు. ఎందుకంటే మెగాస్టార్ చిరంజీవి ఎలాంటి సినీ బ్యాక్ గ్రౌండ్ లేకుండా స్వయంకృషితో ఇండస్ట్రీలోకి అడుగుపెట్టి మెగాస్టార్ స్థాయికి ఎదిగారు.
అతనే మా ఇన్స్పిరేషన్…
మేమందరం అల్లు రామలింగయ్య మనవళ్లుగా, అల్లు అరవింద్ వారసుడిగా ఇండస్ట్రీలోకి వచ్చాము. చిరంజీవి మాకు ఎప్పుడు ఒక ఇన్స్పిరేషన్ ఆయన నుంచి మేము ఎన్నో విషయాలు నేర్చుకున్నాము. అంతే తప్ప ఎప్పుడు మెగాస్టార్ చిరంజీవితో మమ్మల్ని మేము పోల్చుకోమని ఈ సందర్భంగా అల్లు బాబీ మెగాస్టార్ చిరంజీవి అల్లు అర్జున్ గురించి ఆసక్తికరమైన వ్యాఖ్యలు చేశారు.
