Devara: యంగ్ టైగర్ ఎన్టీఆర్ ప్రస్తుతం కొరటాల శివ దర్శకత్వంలో దేవర సినిమాలో నటిస్తున్న సంగతి మనకు తెలిసిందే .ఈ సినిమా రెండు భాగాలుగా ప్రేక్షకుల ముందుకు రాబోతుంది. మొదటి భాగం అక్టోబర్ 10 వ తేదీ విడుదల కాబోతోంది. నిజానికి ఈ సినిమా ఏప్రిల్ 5వ తేదీ విడుదల కావలసి ఉండగా షూటింగ్ కాస్త ఆలస్యం కావడంతో విడుదల వాయిదా పడింది.
ఇక ఈ సినిమా అక్టోబర్ 10వ తేదీ విడుదల కాబోతుందన్న విషయం తెలియడంతో అభిమానులు కాస్త నిరుత్సాహం వ్యక్తం చేశారు. అయితే తాజాగా ఎన్టీఆర్ దేవర సినిమా గురించి చేసినటువంటి కామెంట్స్ అభిమానులకు కాస్త ఊరటని కలిగించాయి. ఎన్టీఆర్ ఇటీవల సిద్దు జొన్నలగడ్డ హీరోగా నటించిన టిల్లు స్క్వేర్ సినిమా మంచి సక్సెస్ కావడంతో సక్సెస్ మీట్ కార్యక్రమానికి ముఖ్యఅతిథిగా వచ్చారు.
ఈ కార్యక్రమంలో భాగంగా ఎన్టీఆర్ దేవర సినిమా గురించి మాట్లాడారు. దేవర సినిమా ఒక భయం అనే కాన్సెప్ట్ ద్వారా ప్రేక్షకుల ముందుకు రాబోతుందని తెలిపారు. అంతేకాకుండా ఈ సినిమా విడుదల విషయం గురించి మాట్లాడుతూ సినిమా విడుదల కాస్త ఆలస్యం కావచ్చు ఏమో కానీ విడుదలైన తర్వాత ప్రతి ఒక్కరు కాలర్ ఎగరేస్తారని తెలిపారు.
భయం అనే కాన్సెప్ట్..
ప్రతి ఒక్క అభిమాని కాలర్ ఎగరేసే విధంగా సినిమా ఉండాలని తాము కష్టపడుతున్నాము అంటూ ఈ సందర్భంగా ఎన్టీఆర్ చేసినటువంటి ఈ కామెంట్స్ అభిమానులకు సంతోషాన్ని కలిగించాయి. ప్రస్తుతం ఈయన చేసినటువంటి ఈ కామెంట్స్ వైరల్ కావడంతో సినిమాపై మరింత ఆసక్తి నెలకొంది.
