భారీ బడ్జెట్ చిత్రాల విడుదల తేదీలు ఎన్నో వివాదాల మధ్య ఖరారయ్యాయి. ముందుగా ప్రకటించిన విధంగా జనవరి 7న RRR వస్తుందని ఇప్పటికే స్పష్టం చేయగా.. భీమ్లానాయక్ విడుదల తేదీని వాయిదా వేశారు.
సంక్రాంతికి విడుదల కావాల్సి ఉండగా.. ఫిబ్రవరి 23న విడుదల చేసేందుకు ప్రణాళిక సిద్ధం చేశారు. దీంతో ఎఫ్3 విడుదల తేదీ కూడా కాస్త వెనక్కు జరిగింది.
ఫిబ్రవరిలో విడుదల కావాల్సిన ఎఫ్3.. ఏప్రిల్ 29 కు వాయిదా పడిపోయింది. ఇక దీనిలో రాధేశ్యామ్ చెప్పిన విధంగానే సంక్రాంది బరిలో దిగుతోంది. ఈ చిత్రం జనవరి 14న ప్రేక్షకుల ముందుకు రాబోతోంది. ఇదే విషయాన్ని దర్శకుడు రాజమౌళి ట్వీట్ చేస్తూ.. విడుదల తేదీలను సర్దుబాటు చేసినందుకు రెండు వేర్వేరు ట్వీట్లలో మహేష్ బాబు , పవన్ కళ్యాణ్లకు ధన్యవాదాలు తెలిపారు జక్కన్న. మహేష్ బాబు సినిమా ‘సర్కారు వారి పాట’ గురించి రాజమౌళి చేసిన ట్వీట్ చాలా మంది పవన్ కళ్యాణ్ అభిమానులకు అంతగా నచ్చలేదు.
రాజమౌళి సర్కారి వారి పాటను ‘పర్ఫెక్ట్ పొంగల్ చిత్రం’గా పేర్కొన్నాడు. ఇది భీమ్లా నాయక్ అభిమానులను నచ్చకపోవడంతో.. రాజమౌళిని ట్రోల్ చేయడం మొదలు పెట్టారు. భీమ్లా నాయక్ సంక్రాంతికి విడుదలకు అర్హతలేని సినిమానా.. అంటూ ప్రశ్నిస్తున్నారు. అయితే సినిమా వాయిదా వేయడం వెనుకు దిల్ రాజ్ హస్తం ఉందని.. ఆర్ఆర్ఆర్ సినిమా విడుదల అవుతుందని.. సర్కారు వారి పాట, భీమ్లానాయక్ లను వాయిదా వేయించడం ఏంటని మండిపడుతున్నారు.
ఇక చివరగా భీమ్లా నాయక్ వాయిదా నిర్ణయంపై ఈ స్టార్ డైరెక్టర్ పవన్ కళ్యాణ్ , చినబాబులకు ధన్యవాదాలు తెలిపారు. సర్కారు వారి పాట సినిమా షూటింగ్ ఇంకా పూర్తి కాలేదని.. ఎఫ్3 సినిమా షూటింగ్ ఇంకా జరుగుతూనే ఉందని అందుకే వాళ్లు సినిమా వాయిదాపడిన పెద్దగా నష్టం లేదని.. తమ అభిమాన నటుడి సినిమా భీమ్లానాయక్ సినిమా అన్నీ పూర్తి చేసుకొని విడుదలకు సిద్ధంగా ఉండగా.. చివరి నిమిషంలో ఇలా చేయడం భావ్యం కాదంటూ ఆగ్రహం వ్యక్తం చేస్తున్నారు పవన్ అభిమానులు.
