పవర్ స్టార్ పవన్ కళ్యాణ్ ఈ పేరుకు ఉన్న క్రేజ్ గురించి ప్రత్యేకంగా చెప్పాల్సిన పనిలేదు. ఈయన చాలా కాలం తర్వాత రీఎంట్రీ ఇచ్చి వరస సినిమాలతో ఎంతో బిజీగా ఉన్నారు. ఈ క్రమంలోనే వకీల్ సాబ్ సినిమా ద్వారా మంచి విజయాన్ని అందుకున్న పవన్ కళ్యాణ్ ప్రస్తుతం సాగర్ కే చంద్ర దర్శకత్వంలో భీమ్లా నాయక్ చిత్రాన్ని పూర్తి చేసుకున్నారు. అదేవిధంగా క్రిష్ దర్శకత్వంలో తెరకెక్కుతోన్న హరిహర వీరమల్లు చిత్రంతో బిజీకానున్నారు.
ఈ సినిమా తర్వాత హరీష్ శంకర్ దర్శకత్వంలో మరో సినిమా, సురేందర్ రెడ్డి దర్శకత్వంలో మరో సినిమా పవన్ చేయనున్నారు.ఇదిలా ఉండగా తాజాగా మరో డైరెక్టర్ అనిల్ రావిపూడి పవన్ కళ్యాణ్ ను కలిసి తనకు సినిమా కథ వినిపించినట్లు తెలుస్తోంది. అయితే ఈ కథ విన్న పవన్ కళ్యాణ్ అనిల్ రావిపూడికి ఒక కండిషన్ పెట్టినట్లు సమాచారం.
తన దగ్గరికి హీరోకి భారీఎలివేషన్ ఇచ్చే కథతో రావద్దని తనకు అత్తారింటికి దారేదిలాంటి ఫ్యామిలీ ఆడియన్స్ నీ ఆకట్టుకునే, ఎఫ్ 2 వంటి హాస్యాస్పదమైన కథాంశంతో తెరకెక్కిన చిత్రంలో నటించాలని ఉందని, తన సినిమా కేవలం యూత్ కి మాత్రమే కాకుండా, ఫ్యామిలీ ఆడియన్స్ కి కూడా నచ్చే విధంగా స్క్రిప్ట్ తయారు చేయమని పవన్ కళ్యాణ్ డైరెక్టర్ అనిల్ రావిపూడికి కండిషన్ పెట్టినట్లు తెలుస్తోంది.
మరి అనిల్ రావిపూడి వినిపించిన కథ పవన్ కళ్యాణ్ కు నచ్చిందా? లేదా అనే విషయం తెలియాల్సి ఉంది.అన్నీ సెట్ అయితే పవన్ కళ్యాణ్ అనిల్ రావిపూడి కాంబోలో తెరకెక్కుతున్న ఈ సినిమాని నిర్మాత దిల్ రాజు నిర్మించనున్నట్లు సమాచారం ఇకపోతే అనిల్ రావిపూడి ప్రస్తుతం ఎఫ్ 2 చిత్రంతో బిజీగా ఉన్నారు. ఈ సినిమా వచ్చే ఏడాది ప్రేక్షకుల ముందుకు రానుంది.
