SV Krishna Reddy: గత కొన్ని రోజుల నుంచి హైదరాబాద్ ట్రాఫిక్ పోలీసులు పెద్ద ఎత్తున కార్లను తనిఖీ చేస్తూ కార్లకు బ్లాక్ ఫిలిమ్స్ ఉన్న వాటిని తొలగించి కార్లకు జరిమానా విధిస్తున్న సంగతి మనకు తెలిసిందే. ఈ క్రమంలోనే ఇప్పటికే ఎంతో మంది స్టార్ హీరోలు దర్శకులకు ఈ విధంగా పోలీసులు జరిమానా విధించిన విషయం మనకు తెలిసిందే.
తాజాగా మరొక డైరెక్టర్ ఎస్ వి కృష్ణారెడ్డి కారుకు కూడా పోలీసులు జరిమానా విధించారు. మంగళవారం సుల్తాన్ బజార్ బ్యంక్ స్ట్రీట్ రోడ్డులో పోలీసులు తనిఖీలలో భాగంగా అటువైపుగా వెళ్తున్నటువంటి ఎస్.వి.కృష్ణారెడ్డి కారును ఆపి పోలీసులు తనిఖీలు నిర్వహించారు. సోదాలు నిర్వహించిన పోలీసులు ఆయన కారును ఇర్రెగ్యులర్ నెంబర్ ప్లేట్ ఉండడంతో కారుకు ఫైన్ వేసారు.
ఇలా పోలీసులు వారి విధులు వారు నిర్వర్తిస్తూ ఉండగా ఎస్ వి కృష్ణారెడ్డి పోలీసుల పట్ల స్పందించిన తీరు అందరినీ ఆశ్చర్యానికి గురి చేసింది.పోలీసులు నెంబర్ ప్లేట్ తప్పు ఉందని చెప్పడంతో ఎస్వి కృష్ణారెడ్డి మాట్లాడుతూ తప్పు తనదేనని తప్పకుండా నెంబర్ ప్లేట్ సరి చేసుకుంటానని పోలీసులకు వివరణ ఇచ్చారు.
పోలీసులపై అభినందనలు…
పోలీసులు మండుటెండను కూడా లెక్కచేయకుండా విధిగా తమ విధులను నిర్వర్తిస్తూ ఉండటంతో ఎస్.వి.కృష్ణారెడ్డి పోలీసులపై అభినందనల వర్షం కురిపించారు. ఇలా పోలీసులను డైరెక్టర్ అభినందించడంతో ఒక్కసారిగా అందరూ ఆశ్చర్యపోయారు.ఇక పోతే ఎన్నో సూపర్ హిట్ సినిమాలను తెరకెక్కించిన ఎస్.వి.కృష్ణారెడ్డి ప్రస్తుతం బిగ్ బాస్ సోహైల్ హీరోగా ఓ సినిమా చేయబోతున్నారు.
