Mahesh Babu: టాలీవుడ్ సూపర్ స్టార్ కృష్ణ వారసుడిగా ఇండస్ట్రీలోకి అడుగు పెట్టారు నటుడు మహేష్ బాబు. ప్రస్తుతం ఈయన ఇండస్ట్రీలో స్టార్ట్ హీరోగా కొనసాగుతూ ఉన్నారు. ఇప్పటివరకు మహేష్ బాబు నటించిన సినిమాలన్నీ కేవలం తెలుగు చిత్ర పరిశ్రమకు మాత్రమే పరిమితమయ్యాయి. త్వరలోనే ఈయన పాన్ ఇండియా సినిమా కాకుండా పాన్ వరల్డ్ సినిమా ద్వారా ప్రేక్షకుల ముందుకు రావడానికి సిద్ధమవుతున్నారు.
మహేష్ బాబు ప్రస్తుతం రాజమౌళి దర్శకత్వంలో ఓ సినిమాకు కమిటైన సంగతి మనకు తెలిసిందే .ఈ సినిమా ప్రస్తుతం ప్రీ ప్రొడక్షన్ పనులు జరుగుతున్నాయి. ఇక ఈ సినిమా త్వరలోనే రెగ్యులర్ షూటింగ్ పనులు ప్రారంభించబోతున్నారు. ఇలాంటి తరుణంలోనే మహేష్ బాబు సినిమాలకు సంబంధించి ఒక వార్త వైరల్ గా మారింది. ఒకప్పుడు మహేష్ బాబు సినిమాలను చూసి తన తండ్రి కృష్ణ గారు రివ్యూ ఇచ్చేవారట. తన సినిమాలకు తన తండ్రి క్రిటిక్ అని మహేష్ బాబు ఎన్నో సందర్భాలలో తెలిపారు.
తన సినిమా బాగా లేకపోతే నాన్న అసలు ఏమి మాట్లాడరు బాగుందంటే ఓకే బాగుందని చెబుతారు. నాన్న బాగుంది అంటే ఆ సినిమా థియేటర్లలో బ్లాక్ బాస్టర్ అవుతుందని మహేష్ బాబు వెల్లడించారు. ఇలా నాన్నతోపాటు తన సినిమాలకు మరొక క్రిటిక్ ఉన్నారని మహేష్ గతంలో ఒక ఇంటర్వ్యూ సందర్భంగా వెల్లడించారు. అయితే ఆయన సినిమా ఇండస్ట్రీకి చెందిన వారు కాదని రాజకీయాలకు చెందిన వ్యక్తి అని తెలిపారు.
ఈ రాజకీయ నాయకుడు మహేష్ బాబు సినిమా కనుక చూస్తున్నారు అంటే మహేష్ బాబు చాలా భయపడతారట. ఈయన ఎలాంటి రివ్యూ ఇస్తారో అని టెన్షన్ ఉంటుందట. మరి మహేష్ బాబు సినిమాలకు క్రిటిక్ అయినటువంటి ఆ పొలిటిషన్ ఎవరు అనే విషయానికి వస్తే ఆయన మరెవరో కాదు మాజీ మంత్రి కేటీఆర్.
కేటీఆర్..
మహేష్ బాబు కేటీఆర్ ఇద్దరు కూడా చాలా మంచి స్నేహితులు మహేష్ నటించిన సినిమాలన్నీ కూడా కేటీఆర్ తప్పకుండా చూడటమే కాకుండా ఆ సినిమా ఎలా ఉంది అనే విషయాలను కూడా మహేష్ కి ఫోన్ చేసి మరి చెబుతారట. ఈ క్రమంలోనే మహేష్ బాబు నటించిన ఆగడు సినిమా చూసి మహేష్ ఇలాంటి చెత్త సినిమాలు ఇకపై చెయ్యకు అంటూ తనకు వార్నింగ్ ఇచ్చారని ఒక ఇంటర్వ్యూ సందర్భంగా స్వయంగా మహేష్ బాబు వెల్లడించారు.
