Prabhas: టాలీవుడ్ ఇండస్ట్రీలో హీరోగా కొనసాగుతూ ఎంతో మంచి పేరు ప్రఖ్యాతలు సంపాదించుకున్న ప్రభాస్ కి ఎలాంటి ఫ్యాన్స్ ఫాలోయింగ్ ఉందో మనకు తెలిసిందే. ఇక ఈయన అందరితో ఎంతో మంచితనంగా ఉంటూ అందరి పట్ల ఎంతో ప్రేమను రాగాలను వ్యక్తపరుస్తుంటారు. ఈ అలవాటు ప్రభాస్ కి తన పెదనాన్న కృష్ణంరాజు నుంచి వచ్చిందని చెప్పాలి.
ఇలా ప్రభాస్ ఎప్పుడు కూడా తన చుట్టూ ఉండే వారికి ఆకలి లేకుండా వాళ్లు కడుపునిండా భోజనం తినేలా ఏర్పాటు చేస్తూ ఉంటారు. ఈ క్రమంలోనే ఎంతోమంది సెలబ్రిటీలు ప్రభాస్ ఇచ్చే ఆతిథ్యం గురించి ఎన్నోసార్లు ప్రస్తావించారు. ఈ క్రమంలోనే తాజాగా మరోసారి ఈయన మంచితనంపై అభిమానులు పెద్ద ఎత్తున ప్రశంసలు కురిపిస్తున్నారు.
ప్రభాస్ పెదనాన్న కృష్ణంరాజు మరణించడంతో పెద్ద ఎత్తున అభిమానులు కృష్ణంరాజు అంత్యక్రియలలో పాల్గొన్నారు. ఇలా తన పెదనాన్న అంత్యక్రియల కోసం వచ్చిన అభిమానుల గురించి ప్రభాస్ ఆలోచించి వారికి భోజనాలు ఏర్పాటు చేయించారు.అంత్యక్రియల అనంతరం ప్రభాస్ అందరూ భోజనం చేసే వెళ్ళండి డార్లింగ్ అంటూ అభిమానులకు తెలియజేశారు.అంత బాధలో ఉండి కూడా ప్రభాస్ ఇలా అభిమానుల గురించి ఆలోచించి వారికి భోజనం చేసి వెళ్ళమని చెప్పడం అందరిని ఎంతగానో ఆకట్టుకుంది.
Prabhas: రాజు ఎక్కడున్నా రాజే..
ఈ క్రమంలోనే ఈ వీడియోని సోషల్ మీడియాలో అభిమానులు షేర్ చేస్తూ నిజం గానే మీమనసు ఎంతో మంచిది అంత బాధలో ఉండి కూడా అభిమానుల గురించి ఆలోచించేవారు చాలా తక్కువ మంది ఉంటారంటూ ఈయనపై ప్రశంసలు కురిపిస్తున్నారు. అలాగే మరికొందరు రాజు ఎక్కడున్నా రాజే అంటూ ఆ వీడియోని షేర్ చేస్తూ కామెంట్లు చేస్తున్నారు. ఇక తనని ఎంతగానో ప్రోత్సహిస్తూ తన పట్ల ఎంతో ప్రేమగా ఉన్నటువంటి పెదనాన్న చనిపోవడంతో ప్రభాస్ ఎంతో ఎమోషనల్ అయ్యారు. ఇలాంటి కష్ట సమయంలో కూడా ఈయన అభిమానుల పట్ల వ్యవహరించిన శైలి అందరిని ఆకట్టుకుంటుందని చెప్పాలి.
