Priyadarshini Ram: ప్రియదర్శిని రామ్ పలు సినిమాలలో నటుడుగా నటించిన ఈయన కొన్ని సినిమాలకు దర్శకుడిగా కూడా వ్యవహరించారు. అలాగే మీడియా రంగంలో కూడా ఎంతో మంచి పేరు ప్రఖ్యాతలు సంపాదించుకున్నటువంటి రామ్ వైయస్ ఫ్యామిలీకి చాలా సన్నిహితంగా ఉంటారు. ఈ మధ్యకాలంలో ఈయన మీడియా రంగానికి సినిమాలకు కూడా కాస్త దూరంగా ఉన్నారని చెప్పాలి.
తాజాగా ఒక ఇంటర్వ్యూలో పాల్గొన్నటువంటి రామ్ నందమూరి బాలకృష్ణ గురించి ఆయన వ్యక్తిత్వం గురించి సంచలన వ్యాఖ్యలు చేశారు. ఈ క్రమంలోనే బాలకృష్ణ తనకు కాలేజీలో జూనియర్ అని తెలియజేశారు. తాను జూనియర్ అయినప్పటికీ నేను మాత్రం అన్న అని పిలుస్తానని రామ్ తెలిపారు. బాలకృష్ణ చాలా తొందరగా కోప్పడతారని అందరూ భావిస్తారు కానీ అతని మనసు చాలా మంచిదని చిన్నపిల్లల వ్యక్తిత్వం అని తెలియజేశారు.
ఒకసారి ఒక పేద పూజారి క్యాన్సర్ బారిన పడే బసవతారకం హాస్పిటల్ లో చికిత్స చేయించుకున్నారు. అయితే ఖర్చులో తనకు కాస్త డిస్కౌంట్ కావాలని తనని అడగడంతో తాను బాలకృష్ణకు ఇదే విషయం గురించి సహాయం కోరారు. ఇలా చికిత్సకు అయినా ఖర్చులో డిస్కౌంట్ కావాలి అంటూ బాలకృష్ణకు మెసేజ్ చేయడంతో వెంటనే బాలకృష్ణ నుంచి తనకు ఫోన్ వచ్చిందని తెలిపారు.
Priyadarshini Ram: హాస్పిటలే నీది కదా…
ఇలా ఫోన్ చేసిన బాలకృష్ణ అసలు ఏం మాట్లాడుతున్నావ్ నువ్వు? డిస్కౌంట్ అడగడం ఏంటి హాస్పిటలే నీదైతే. నీ హాస్పిటల్లో మరి డిస్కౌంట్ అడగాలా.. అడిగే అవసరమే లేదు డిస్కౌంట్ ఇచ్చేసేయ్ అంటూ చెప్పారు. అంతేకాకుండా తనని ఇంకొకసారి అన్నా అని పిలవద్దని తాను నీకన్నా చాలా చిన్నవాడిని అంటూ బాలకృష్ణ చెప్పారని ఈ సందర్భంగా రామ్ చేసిన ఈ కామెంట్స్ వైరల్ అవుతున్నాయి.
