దీపికా పదుకొణె , ప్రభాస్ జంటగా నటిస్తోన్న రాబోయే చిత్రం ప్రాజెక్ట్ K.దీనిలో అబితాబ్ బచ్చన్ ఓ కీలక పాత్ర పోషిస్తున్న విషయం తెలిసిందే. ఈ ప్రాజెక్ట్ K కు సంబంధించి షూటింగ్ ఇప్పటికే ప్రారంభించారు. దీనికి నాగ్ అశ్విన్ దర్శకత్వం వహించారు. ప్రాజెక్ట్ K అనేది సైన్స్ ఫిక్షన్ చిత్రానికి తాత్కాలిక టైటిల్ అనే విషయం తెలిసిందే. వైజయంతీ మూవీస్ పతాకంపై భారీ బడ్జెట్ తో తెరకెక్కిస్తున్నారు.
ఇటీవల సినిమా సెట్స్ నుండి ఒక ప్రత్యేక వీడియోను వైజయంతీ మూవీస్ ట్విట్టర్లో షేర్ చేసింది. ఆ వీడియోలో ప్రభాస్, దీపికా పదుకొణె చేతులు పట్టుకున్నట్లు కనిపించింది. అయితే వారి ముఖాలు మాత్రం కనిపించడం లేదు. దీనికి సంబంధించిన వీడియో సోషల్ మీడియాలో వైరల్ అయింది. ఇదిలా ఉండగా.. ఈ సినిమాకు సంగీత దర్శకుడి విషయంలో ఓ న్యూస్ బయటకు వచ్చింది.
దానికి సంబంధించి తాజాగా క్లారిటీ వచ్చేసింది. ఈ సినిమాకు సంగీత దర్శకుడిగా మిక్కీ జె. మేయర్ ను ప్రకటించిన విషయం తెలిసిందే. ఇతడు సంగీత దర్శుకుడిగా ఇంత వరకు భారీ బడ్జెట్ సినిమాలను చేయలేదు. అయితే ఇలా అతడిని ఈ సినిమా నుంచి తప్పించారని వార్తలు వచ్చాయి. అతడికి బదులు మరో మ్యూజిక్ డైరెక్టర్ ను సంగీత దర్శకుడిగా తీసుకున్నట్లు.. అనేక వార్తలు వచ్చాయి.
వరంగల్ లో శ్యామ్ సింగరాయ్ ప్రి రిలీజ్ ఈవెంట్లో మిక్కీ మాట్లాడుతూ.. ప్రస్తుతం తాను ప్రాజెక్ట్
ప్రాజెక్టు K కు సంగీత దర్శకుడిగా కన్ఫర్మ్ అయినట్లు తెలిపాడు. ఇక అంతకు ముందు వచ్చిన వార్తలు అన్నీ ఫేక్ అని తెలిసిపోయింది. ఇలా రూమర్స్ కు చెక్ పెట్టినట్లు అయింది. ఇటీవల దీపికా పదుకొణె ప్రాజెక్ట్ కే షూటింగ్ కోసం హైదరాబాద్ వచ్చింది . ఈ షెడ్యూల్లో దీపిక, ప్రభాస్ల మధ్య సినిమాలోని కొన్ని ముఖ్యమైన సన్నివేశాలను చిత్రీకరించనున్నారు. ప్రస్తుతం హైదరాబాద్లోని ప్రముఖ స్టూడియోలో భారీ సెట్ వేసి షూటింగ్ శరవేగంగా జరుగుతోంది.
