పవర్ స్టార్ పవన్ కళ్యాణ్ కొన్ని రోజుల విరామం తర్వాత వరుస సినిమాలతో ఎంతో బిజీగా ఉన్నారు. ఈ క్రమంలోనే వకీల్ సాబ్ సినిమా ద్వారా అద్భుతమైన విజయాన్ని అందుకున్న పవర్ స్టార్ తాజాగా “హరి హర వీరమల్లు”, సాగర్ కే చంద్ర దర్శకత్వంలో మలయాళ రీమేక్ చిత్రం “అయ్యప్పన్ కోషియుమ్”తెరకెక్కుతున్న సంగతి మనకు తెలిసిందే. ఈ సినిమాలో పవర్ స్టార్ ఒక పవర్ ఫుల్ పోలీస్ ఆఫీసర్ పాత్రలో కనిపించనున్నారు.
సితార ఎంటర్టైన్మెంట్స్ బ్యానర్పై సూర్యదేవర నాగవంశీ నిర్మించగా సాగర్ కే చంద్రశేఖర్ దర్శకత్వం వహిస్తున్నారు. ఈ క్రమంలోనే ఈ సినిమాకు సంబంధించి తాజా సమాచారాన్ని చిత్రబృందం తెలియజేశారు. ఈ సినిమాలో పవన్ కళ్యాణ్ తో పాటు దగ్గుబాటి రానా కీలక పాత్రలో నటిస్తున్నారు.
ఈ సినిమాలో పవర్ స్టార్ భీమ్లానాయక్ అనే పవర్ ఫుల్ పోలీస్ ఆఫీసర్ పాత్రలో సందడి చేయగా… రానా రిటైర్డ్ ఆర్మీ ఆఫీసర్ పాత్రలో కనిపించనున్నారు. దాదాపు 40 శాతం షూటింగ్ పూర్తి చేసుకున్న ఈచిత్రం కరోనా కారణం చేత వాయిదా పడింది. నిన్నటి నుంచి ఈ చిత్రం తిరిగి షూటింగ్ లో పాల్గొన్నట్లు చిత్రబృందం తెలియజేశారు. ఈ క్రమంలోనే వీడియో మేకింగ్ గ్లింప్స్ను చిత్ర బృందం విడుదల చేశారు. ప్రస్తుతం ఈ వీడియో సోషల్ మీడియాలో వైరల్ గా మారింది.
ఈ సినిమా శరవేగంగా షూటింగ్ పనులను జరుపుకుని వచ్చే ఏడాది సంక్రాంతి బరిలోకి దిగబోతోందని చిత్ర బృందం తెలియజేశారు.అయితే పవర్ స్టార్ పవన్ కళ్యాణ్ క్రిష్ దర్శకత్వంలో నటిస్తున్నటువంటి “హరిహర వీరమల్లు” చిత్రం కూడా సంక్రాంతికే విడుదల కానున్నట్లు గతంలో ప్రకటించారు. ఈ క్రమంలోనే ఈ మల్టీ స్టారర్ మూవీ కూడా సంక్రాంతికే విడుదల అవుతుందని చెప్పడంతో హరిహర వీరమల్లు సినిమా విడుదల విషయంలో మార్పులు చోటుచేసుకోవచ్చు అని చిత్రబృందం భావిస్తున్నారు.
