Pulsar bike song Jhansi : ఈటీవీలో ప్రసారమయ్యే శ్రీదేవి డ్రామా కంపెనీలో ప్రతిసారి కొత్తవాళ్ళను తీసుకుని వచ్చి ప్రోత్సహిస్తూ ఉంటారు. అలానే ఈసారి కూడా పల్సర్ బైక్ అనే జానపద గీతానికి స్టెప్పులతో ఆదరగొట్టి ఒక్కసారిగా ఫేమస్ అయింది గాజువాక డిపో కండక్టర్ ఝాన్సీ. ఆమె డాన్స్ కి సంబందించిన వీడియో బాగా పాపులర్ అయింది. ఇక చాలా యూట్యూబ్ ఛానెల్స్ లో ఇంటర్వ్యూలంటూ బిజీ అయిపోయారు ఝాన్సీ. ఇక ఆమె వ్యక్తిగత జీవితం, అందులో ఎదుర్కొన్న కష్టాలు అన్నింటి గురించి ఇంటర్వ్యూల్లో పంచుకున్నారు. తన భర్త తాను డాన్సర్ అవ్వడానికి ఎంతో ప్రోత్సహించాడని పలు ఇంటర్వ్యూల్లో చెప్పింది.
మొదట్లో నా భార్యని కామెంట్స్ చేసినోడిని కొట్టేవాడిని…
తండ్రి వదిలేస్తే తల్లి కష్టపడి ఝాన్సీని తన తమ్ముడిని పెంచిందని, డాన్స్ చేసి చిన్నావయసులోనే ఇంటిబాధ్యత తీసుకున్న ఝాన్సీ ఇంటర్ చదివే సమయంలో ప్రేమించి పెళ్లి చేసుకుంది. ఇక తన భర్త కూడా తనతో పాటు డాన్సర్ అవడం ఎన్నో స్టేజి షోలలో తనకు సపోర్ట్ గా బ్యాక్ గ్రౌండ్ డాన్సర్ గా కూడా చేసాడట. అయితే ఇప్పుడు ఒక్కసారిగా శ్రీదేవి డ్రామా కంపెనీ తో ఫేమస్ అయిన ఝాన్సీ కి ఎంతో మంది అభిమానులు అయ్యారు. అయితే అభిమానులతో పాటు ట్రోల్స్, నెగెటివ్ కామెంట్స్ ను కూడా ఎదుర్కోవాల్సి వస్తోంది. ఇటీవలే ఝాన్సీ పలు ఇంటర్వ్యూల్లో నన్ను నా భర్తను ట్రోల్ చేయకండి అంటూ ఆవేదన చెందింది.
డాన్స్ చేసిన వీడియోస్ కింద పాజిటివ్ కామెంట్స్ తో పాటు నెగెటివ్స్ కామెంట్స్ కూడా ఉన్నాయని అదీ కాక నా భర్తను కూడా బూతులు తిడుతున్నారని బాధపడింది. రీసెంట్ గా ఒక ఇంటర్వ్యూ లో పాల్గొన్న ఝాన్సీ ఆమె భర్త నెగెటివ్ కామెంట్స్ గురించి రియాక్ట్ అయ్యారు. నా భార్య డాన్స్ చేస్తోందని చాలా మంది నెగెటివ్ గా మాట్లాడే వారు అలాంటి వారిని మొదట్లో అలా నెగెటివ్ గా కామెంట్స్ చేసిన ఒక్కొక్కడిని కొట్టేవాడిని అంటూ షాకింగ్ కామెంట్స్ చేసారు.
