Pushpa 2: అల్లు అర్జున్ హీరోగా నటించిన పుష్ప 2 సినిమా డిసెంబర్ 5వ తేదీ పాన్ ఇండియా స్థాయిలో ప్రేక్షకుల ముందుకు రాబోతున్న నేపథ్యంలో ప్రమోషన్ కార్యక్రమాలను కూడా వేగవంతం చేస్తున్నారు. అయితే ఈ సినిమాని అడ్డుకోవడానికి కొంతమంది ప్లాన్ చేస్తున్నారంటూ వైకాపా మాజీ మంత్రి అంబటి రాంబాబు మీడియా సమావేశంలో చేసిన వ్యాఖ్యలు తీవ్ర దుమారం రేపుతున్నాయి.
గతంలో ఎన్టీఆర్ నటించిన సినిమాని కూడా అడ్డుకోవాలని చాలా ప్రయత్నాలు చేశారు ఇప్పుడు అల్లు అర్జున్ నటించిన పుష్ప 2 సినిమాని అడ్డుకోవాలని కొంతమంది ప్లాన్ చేస్తున్నారు. అయితే పుష్ప సినిమాని అడ్డుకోవడం ఎవరి తరం కాదు. పుష్ప అంటే ఇంటర్నేషనల్ స్టార్ అని ఈయన గుర్తు చేశారు. పుష్ప సినిమాని చూసి కొంతమంది చాలా జలసీగా ఫీల్ అవుతున్నారని అందుకే ఈ సినిమాని అడ్డుకునే ప్రయత్నాలు కూడా చేస్తున్నారని ఈయన తెలిపారు.
ఎన్టీఆర్ సినిమాని నందమూరి కుటుంబం అడ్డుకోవాలని చూసిన ఆ సినిమాని చూడకుండా ఎవరు ఆపలేకపోయారు. ఇప్పుడు కూడా పుష్ప సినిమాని చూడకుండా ఎవరు అడ్డుకోలేరు అంటూ అంబటి చేసిన వ్యాఖ్యలు తీవ్ర దుమారం రేపుతున్నాయి. అరచేతిని అడ్డుపెట్టి సూర్యకాంతిని ఎలాగైతే ఆపలేమో అల్లు అర్జున్ నటించిన పుష్ప 2 సినిమాని కూడా ఎవరు అడ్డుకోలేరని ఈయన తెలిపారు.
Pushpa 2: మనల్ని ఎవడ్రా ఆపేది
ఇక గత కొంతకాలంగా మెగా అభిమానులు అల్లు అర్జున్ పట్ల తీవ్రస్థాయిలో విమర్శలు చేస్తున్న నేపథ్యంలో పుష్ప సినిమాని సక్సెస్ చేయమని ఈ సినిమా గురించి నెగిటివ్ ప్రచారానికి మొదలుపెట్టారనే వార్తలు వస్తున్న నేపథ్యంలో అంబంటి ఈ విధమైనటువంటి వ్యాఖ్యలు చేశారు. ఇక ఈయన చేసిన వ్యాఖ్యలు మరోసారి రాజకీయాల పరంగా తీవ్రమైన చర్చలకు కారణం అవుతున్నాయి.
